(କଣିହାଁ/ଜ୍ୟୋତିରଂଜନ ଧର): ଅନୁଗୋଳ ଜିଲ୍ଲା ତାଳଚେର ଉପଖଣ୍ଡ କଣିହାଁ ବ୍ଲକ ଅନ୍ତର୍ଗତ ଏନଟିପିସି ବୃହତ ତାପଜ ବିଦ୍ୟୁତ ପ୍ରକଳ୍ପ ଆନୁକୂଲ୍ୟରେ ଗତ ଶୁକ୍ରବାର ବିଶ୍ୱ ପରିବେଶ ଦିବସ ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ ଏନଟିପିସି, ଦିପଶିଖା କଣିହାଁ ପ୍ରକଳ୍ପ ମୁଖ୍ୟ ମହାପ୍ରବନ୍ଧକ ସୁଦୀପ୍ ନାଗ, ଅପରେସନ ଓ ମେଣ୍ଟେନ୍ସା ବିଭାଗର ମହାପ୍ରବନ୍ଧକ ଏନ୍.ଏସ୍.ରାଓ, ମହାପ୍ରବନ୍ଧକ କେ.କେ.ଦାଶ ଏବଂ ପ୍ରକଳ୍ପର ବହୁ ବରିଷ୍ଠ ଅଧିକାରୀ ଗଣଙ୍କ ଉପସ୍ଥିତକ୍ରମେ ହିନ୍ଦୀ, ଓଡିଆ ଓ ଇଂରାଜୀ ଭାଷାରେ ପରିବେଶ ସୂରକ୍ଷା ସମ୍ପର୍କିତ ଶପଥ ପାଠ କରିଥିଲେ ।
ଅପରପକ୍ଷରେ ସାମ୍ପ୍ରତିକସ୍ଥିତିରେ ପ୍ରଦୃଷଣର ଭୟାନକ, ଉଦ୍ବେଗଜନକ ସ୍ଥିତିକୁ ବିଶ୍ୱ ପରିବେଶ ଦିବସ ପାଳନ ବେଳେ ମନକୁ ଆନ୍ଦୋଳିତ କରିଥାଏ ବୋଲି ସିଜିଏମ୍ ଶ୍ରୀ ନାଗ ମତପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ ଦିପଶିଖା ତନ୍ଭି ସଙ୍ଗମ ମହିଳା ସଂଗଠନ ସଦସ୍ୟା, ଏନଟିପିସି କର୍ମଚାରୀ ଗଣ, ବିଭିନ୍ନ ଶ୍ରମିକ ସଂଗଠନର କର୍ମକର୍ତ୍ତା ପ୍ରମୁଖ ସାମିଲ ଥିଲେ ।
