(ନୂଆଦିଲ୍ଳୀ): ଦିଲ୍ଲୀରେ ହିଂସା ଓ ଉତ୍ତେଜନା ମଧ୍ୟରେ ସ୍ୱରାଷ୍ଟ୍ର ମନ୍ତ୍ରଣାଳୟ ଦିଲ୍ଲୀର ନୂଆ ପୋଲିସ କମିଶନଙ୍କୁ ନିଯୁକ୍ତି ଦେଇଛନ୍ତି । ୧୯୮୫ ବ୍ୟାଚର ଏହି ଆଇପିଏସ ଅଧିକାରୀଙ୍କୁ ଦିଲ୍ଲୀର ନୂତନ ପୋଲିସ କମିଶନର ଭାବେ ନିଯୁକ୍ତ କରାଯାଇଛି । ବର୍ତ୍ତମାନର ପୋଲିସ କମିଶନର ଅମୂଲ୍ୟ ପଟ୍ଟନାୟକ ଆସନ୍ତା ୨୯ ତାରିଖରେ ଅବସର ନେଉଥିବା ବେଳେ ତାଙ୍କ ସ୍ଥାନରେ ଶ୍ରୀବାସ୍ତବଙ୍କୁ ନିଯୁକ୍ତ କରାଯାଇଛି । ଶ୍ରୀବାସ୍ତବ ଶନିବାର ଠାରୁ ଏହି ପଦ ସମ୍ଭାଳିବେ । ଶୁକ୍ରବାର ଏନେଇ ଦିଲ୍ଲୀ ଉପରାଜ୍ୟପାଳ ଅନୀଲ ବୈଜଲ ନିର୍ଦ୍ଦେଶନାମା ଜାରି କରିଛନ୍ତି । ନିକଟରେ ଦିଲ୍ଲୀ ହିଂସା ରୋକିବାକୁ ତାଙ୍କୁ ଦାୟିତ୍ୱ ଦିଆଯାଇଥିଲା । ଶ୍ରୀବାସ୍ତବ ପୂର୍ବରୁ ଜାମ୍ମୁ-କାଶ୍ମୀରରେ ସିଆରପିଏଫରେ ନିଯୁକ୍ତ ଥିଲେ । ତାଙ୍କୁ ତୁରନ୍ତ ବଦଳି କରାଯିବା ପାଇଁ ଗୃହ ମନ୍ତ୍ରଣାଳୟ ପକ୍ଷରୁ ଗତ ମଙ୍ଗଳବାର ନିର୍ଦ୍ଦେଶ ଦିଆଯାଇଥିଲା । ସୂଚନାଯୋଗ୍ୟ, ଶ୍ରୀବାସ୍ତବ ଦିିଲ୍ଲୀ ପୋଲିସର ସ୍ପେଶାଲ ସେଲରେ ସ୍ୱତନ୍ତ୍ର ପୋଲିସ କମିଶନର ଥିବା ବେଳେ ଆଇପିଏଲ ମ୍ୟାଚ୍ ଫିକ୍ସିଂ ଘଟଣାର ପର୍ଦ୍ଦାଫାଶ କରିଥିଲେ ।
ଏସଏନ ଶ୍ରୀବାସ୍ତବ ଦିଲ୍ଲୀର ନୂଆ ପୋଲିସ କମିଶନର
