କୁହୁଡି ହେଲା କାଳ, ଘାଟିରୁ ଓଲଟିଲା ବସ

(ମହାଭାରତ ) ହିଞ୍ଜିଳିକାଟୁ: ତପ୍ତପାଣି ଘାଟିରେ ବସ ଓଲଟି ୭ ମୃତ ଓ ୩୦ ଆହତ। ଆଜି ଭୋର ଚାରିଟା ସମୟରେ ରାୟଗଡା ରୁ ବ୍ରହ୍ମପୁର ଯାଉଥିବା ଏକ ଯାତ୍ରୀବାହୀ ବସ ଗଞ୍ଜାମ ତପ୍ତପାଣି ଘାଟିରେ ଭାରସାମ୍ୟ ହରାଇ ଓଲଟି ପଡିବାରୁ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୩୦ ଜଣ ଆହତ ହୋଇଥିବା ସୂଚନା ମିଳିଛି।ଏହି ଆହତ ମାନଙ୍କ ମଧ୍ୟରୁ ୧୦ ଜଣ ଅତି ଗୁରୁତର ଭାବରେ ଆହତ ହୋଇଛନ୍ତି।ଖବର ପାଇ ପୋଲିସ ଓ ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କାର୍ୟ୍ୟ ଜାରି ରହିଛି।ଉଦ୍ଧାର କରା ଯାଇଥିବା ଆହତ ଯାତ୍ରୀ ମାନଙ୍କୁ ବ୍ରହ୍ମପୁର ଏମ କେ ସି ଜି ମେଡିକାଲ ରେ ଭର୍ତି କରା ଯାଇଛି।କିଛି ଯାତ୍ରୀ ବସ ତଳେ ଚାପି ହୋଇ ରହିଥିବା ସନ୍ଦେହ କରାଯାଉଛି।