ନିଆରା ଢଙ୍ଗରେ ବିକ୍ଷୋଭକାରୀଙ୍କୁ ରୋକିଲେ ଡିସିପି

(ବେଙ୍ଗାଲୁରୁ): ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ବିରୋଧ କରି ଦେଶର ବିଭିନ୍ନ ସ୍ଥାନରେ ହିଂସାକାଣ୍ଡ ଜାରି ରହିଛି । କର୍ଣ୍ଣାଟକର ମାଙ୍ଗାଲୁରୁ ଓ ଉତ୍ତରପ୍ରଦେଶର ରାଜଧାନୀ ଲକ୍ଷେ୍ନøରେ ବିକ୍ଷୋଭ ପ୍ରଦର୍ଶନ ବେଳେ ପୋଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ଖଣ୍ଡଯୁଦ୍ଧ ହୋଇଛି । ପୋଲିସର ଲାଠି ଓ ଗୁଳିମାଡରେ ୩ ଜଣଙ୍କ ଜୀବନ ଯାଇଛି । ଏହାସହ ଶତାଧ୍ଖଳ ବିକ୍ଷୋଭକାରୀ ଆହତ ହୋଇଛନ୍ତି । କିନ୍ତୁ ବେଙ୍ଗାଲୁରୁର ଜଣେ ଡିସିପି ଚେତନ ସିଂହ ଠାକୁର ନିଆରା ଢଙ୍ଗରେ ସିଏଏକୁ ବିରୋଧ କରି ବିକ୍ଷୋଭକାରୀଙ୍କୁ ବୁଝାଇବାରେ ସମର୍ଥ ହୋଇଛନ୍ତି । ଡିସିପି ଜାତୀୟ ସଙ୍ଗୀତ ଗାଇବା ସହ ଆନ୍ଦୋଳନକାରୀଙ୍କୁ ମଧ୍ୟ ଏପରି କରିବାକୁ ଅନୁରୋଧ କରିଥିଲେ । ଏହାପରେ ଉପସ୍ଥିତ ଆନ୍ଦୋଳନକାରୀ ଡିସିପିଙ୍କ ସହ ଜାତୀୟ ସଙ୍ଗୀତ ଗାଇବା ଆରମ୍ଭ କରିଥିଲେ । ଏପରିକି ସେଠାରେ ଉପସ୍ଥିତ ସମସ୍ତ ବିକ୍ଷୋଭକାରୀ ଓ ପୋଲିସ ଏକ ସ୍ୱରରେ ଜୟ ହିନ୍ଦ୍ ନାରା ମଧ୍ୟ ଦେଇଥିଲେ । ଜାତୀୟ ସଙ୍ଗୀତ ଗାଇବା ପରେ ସେମାନେ ସେହି ସ୍ଥାନ ଛାଡି ଚାଲିଯାଇଥିଲେ ।