(ଭୁବନେଶ୍ୱର) : ରାଜ୍ୟରେ ଅସହ୍ୟ ଗରମ ଓ ଗୁଳୁଗୁଳିରୁ ଆଶ୍ୱସ୍ତି ମିଳିଛି । ସ୍ୱଳ୍ପ ସମୟ ହେଉ ପଛେ ଅସରାଏ ବର୍ଷାରେ ଭିଜିଥିଲା ଓଡିଶାର କିଛିଟା ଜିଲ୍ଲା । ଉପକୂଳ ଓଡିଶାରେ ପାଗ ମେଘୁଆ ସହିତ କାଳବୈଶାଖୀ ବର୍ଷା ଜାରି ରହିଛି । ତେବେ ହାକୁଳ ବର୍ଷକୁ ନେଇ ବେଶ ଖୁସି ଅଛନ୍ତି ରାଜ୍ୟବାସୀ । ଆଗକୁ ମୁଠି ଅନୁକୂଳ କରିବାକୁ ଥିବା ବେଳେ ଏହି ପ୍ରାଥମିକ ବର୍ଷା ବେଶ ଲାଭଦାୟକ ହେବ ବୋଲି ଆଶା ରଖିଛନ୍ତି ଚାଷୀ । 
ସେହିପରି ଭୁବନେଶ୍ବରରେ ଘଡଘଡି ବିଜୁଳି ସହ ବର୍ଷାପବନ ହୋଇଛି । ଏହାଛଡ଼ା ଜଗତସିଂହପୁର, କେନ୍ଦ୍ରାପଡା, ଖୋର୍ଦ୍ଧା, ଢେଙ୍କାନାଳ, ଯାଜପୁରରେ ବି କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି । ଉପକୂଳ ଓଡିଶାରେ ୧୦ ହଜାରରୁ ଅଧିକ ଥର ବିଜୁଳି ମାରିଥିବା ସୂଚନା ମିଳିଛି । ଦାମିନି ଆପରୁ ବିଜୁଳି ସମ୍ପର୍କରେ ସୂଚନା ମିଳିଛି । ବର୍ଷା ସମୟରେ ଘରୁ ନ ବାହାରିବା ପାଇଁ ପରାମର୍ଶ ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।
