ଭୁବନେଶ୍ୱର : ଆଇଏଲଏସ ନିର୍ଦ୍ଦେଶକଙ୍କ ପରଲୋକ । ଆଇଏଲଏସ ନିର୍ଦ୍ଦେଶକ ଡା. ଅଜୟ ପରିଡ଼ାଙ୍କ ଦେହାନ୍ତ ହୋଇଯାଇଛି । ଗୌହାଟୀରେ ପରଲୋକ ନେଇ ଆଇଏଲଏସ ସୂତ୍ରରୁ ସୂଚନା ରହିଛି । ଗୌହାଟୀରେ ଏକ କନଫରେନ୍ସରେ ଯୋଗ ଦେବାକୁ ଯାଇଥିଲେ ଡା. ଅଜୟ ପରିଡ଼ା । ସେଠାରେ ହୃଦଘାତ ଯୋଗୁଁ ତାଙ୍କ ପରଲୋକ ହୋଇଥିବା ସୂଚନା । ତେବେ ୫୮ ବର୍ଷ ବୟସରେ ସେ ଆଖି ବୁଜିଛନ୍ତି । ଡା. ଅଜୟ ପରିଡ଼ାଙ୍କ ଅକାଳ ବିୟୋଗରେ ପରିବାର ସମେତ ରାଜ୍ୟବାସୀ ମର୍ମାହତ ହୋଇପଡ଼ିଛନ୍ତି । ନିଜ ହୋଟେଲ ରୁମ୍ରେ ହୃଦଘାତର ଶିକାର ହୋଇଥିଲେ ଡା. ଅଜୟ ପରିଡ଼ା । ପରବର୍ତ୍ତୀ ସମୟରେ ତାଙ୍କୁ ହସ୍ପିଟାଲ ନିଆଯାଇଥିଲା । ଆଉ ସେଠାରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର । ଆଇଏଲଏସ ପ୍ରତିଷ୍ଠା ହେବା ଦିନ ଠାରୁ ନିର୍ଦ୍ଦେଶକ ଦାୟିତ୍ୱରେ ଥିଲେ ଡା. ଅଜୟ ପରିଡ଼ା । ଜିନମ ସିକ୍ୟୁଏନ୍ସିଂ ସହ ବହୁ ଗବେଷଣା ଦାୟିତ୍ୱ ତୁଲାଉଥିଲେ । ଯାଜପୁରର ଭଗବାନପୁରରେ ଜନ୍ମ ଗ୍ରହଣ କରିଥିଲେ ଡା. ଅଜୟ ପରିଡ଼ା ।
ମହାମାରୀ ସମୟରେ ସେ ସାଧାରଣ ଲୋକଙ୍କୁ ଅନେକ ପରାମର୍ଶ ଦେଉଥିଲେ । କ୍ୟାରିଅରର ପ୍ରାଥମିକ ପର୍ଯ୍ୟାୟରେ କୃଷି ଉପରେ ବହୁ ଗବେଷଣା କରିଥିଲେ । ବିଜ୍ଞାନ ଓ କୃଷି କ୍ଷେତ୍ରକୁ ଅନୁଳନୀୟ ଅବଦାନ ନିମନ୍ତେ ତାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା।
