ପୋଲ ଉପରୁ ଖସି ପୋଲିସ ଗାଡି ଦୁର୍ଘଟଣାଗ୍ରସ୍ତ

(ମହାଭାରତ, ଫୁଲବାଣୀ): କନ୍ଧମାଳ ଜିଲ୍ଲା ରାଇକିଆ ଥାନା ଅଞ୍ଚଳରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଏଠାରେ ଏକ ପୋଲ ଉପରୁ ଗୋଟିଏ ପୋଲିସ ଗାଡି ଖସି ଦୁର୍ଘଟଣାଗ୍ରସ୍ତ ହୋଇଛି । ଆଜି ସକାଳେ ଏକ ଗାଡିରେ ଗଞ୍ଜେଇ ଯାଉଥିବା ସନ୍ଦେହ କରି ରାଇକିଆ ଥାନା ପୋଲିସ ପିଛା କରିଥିଲା । ତେବେ ମଣ୍ଡାକିଆ ଗାଁ ନିକଟ ଏକ ପୋଲ ଅତିକ୍ରମ କରୁଥିବା ବେଳେ ପୋଲିସ ଗାଡିଟି ଦୁର୍ଘଟଣାଗ୍ରସ୍ତ ହୋଇଥିଲା । ଗାଡିଟି ଦ୍ରୁତ ଗତିରେ ଯାଉଥିବା ବେଳେ ପ୍ରଥମେ ଭାରସାମ୍ୟ ହରାଇ ପୋଲ ବାଡରେ ପିଟି ହୋଇଥିଲା । ପରେ ପୋଲ ଉପରୁ ପ୍ରାୟ ୨୦ ଫୁଟ ତଳକୁ ଖସି ପଡିଥିଲା । ଏହି ଦୁର୍ଘଟଣାରେ ରାଇକିଆ ଥାନା ଆଇଆଇସି ଅଲେଖ ଗରଡିଆ ଏବଂ ଡ୍ରାଇଭର ମିଥୁନ ପ୍ରଧାନ ଗୁରତର ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ରାଇକିଆ ମେଡିକାଲରେ ଭର୍ତ୍ତି କରାଯାଇଛି ।