(ଦିଲ୍ଲୀ) : ଆମ୍ ଆଦମୀ ପାର୍ଟି ମୁଖ୍ୟ ତଥା ଜେଲରେ ଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ନିର୍ଯାତନା ଓ ଅପମାନିତ କରିଥିବା ଅଭିଯୋଗ ହୋଇଛି । ଆପ୍ ନେତା ତଥା ରାଜ୍ୟସଭା ସଦସ୍ୟ ସଞ୍ଜୟ ସିଂ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ।
ସୂଚନାନୁଯାୟୀ ,ଜେଲରେ ମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଅଧିକାର ଛଡ଼ାଇ ନେଇଛି କେନ୍ଦ୍ର । ସଞ୍ଜୟ ସିଂ ଶନିବାର ସକାଳେ ଏକ ଖବରଦାତା ସମ୍ମିଳନୀ କରିଥିଲେ । ଏହି ସମୟରେ ସେ ଅନେକ ଗୁରୁତର ଅଭିଯୋଗ କରିଥିଲେ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଜେଲ ଭିତରେ ନିର୍ଯ୍ୟାତନା ଦିଆଯାଉଛି । ସିଂ ଗଣମାଧ୍ୟମକୁ କହିଛନ୍ତି ଯେ ସେମାନଙ୍କ ମନୋବଳ ଭାଙ୍ଗିବା ପାଇଁ ପଦକ୍ଷେପ ନିଆଯାଉଛି । ସଞ୍ଜୟ ସିଂ କହିଛନ୍ତି ଯେ ନିୟମ ଅନୁଯାୟୀ ଏବଂ ଜେଲ ମାନୁଆଲରେ ଉଲ୍ଲେଖ କରାଯାଇଛି ଯେ ଜେଲ ପ୍ରଶାସନକୁ ଜେଲରେ ଥିବା ଲୋକଙ୍କୁ ମୁହାଁମୁହିଁ ପରିଦର୍ଶକଙ୍କୁ ଭେଟିବାକୁ ଅନୁମତି ଦିଆଯାଇଛି । ତେବେ ତାଙ୍କ (ମୁଖ୍ୟମନ୍ତ୍ରୀ କେଜରିୱାଲଙ୍କ) ପତ୍ନୀଙ୍କୁ ମୁହାଁମୁହିଁ ସାକ୍ଷାତ କରିବାକୁ ଅନୁମତି ନାହିଁ ।
