ଶ୍ରୀନଗର: ଜାମ୍ମୁ-କାଶ୍ମୀରର ବଡଗାମରେ ଆତଙ୍କବାଦୀଙ୍କ ଗ୍ରେନେଡ ମାଡରେ ଜଣେ ସିଆରପିଏଫ ଯବାନଙ୍କ ସମେତ ୫ ଜଣ ଆହତ ହୋଇଛନ୍ତି । ଆତଙ୍କବାଦୀମାନେ ମଙ୍ଗଳବାର ଆକ୍ରମଣ କରିଥିଲେ । ଏଥିରେ ମୋଟ ୫ ଜଣ ଆହତ ହୋଇଛନ୍ତି । ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣା ପରେ ସୁରକ୍ଷାକର୍ମୀମାନେ ଅଞ୍ଚଳକୁ ସିଲ୍ କରି ସର୍ଚ୍ଚ ଅପରେଶନ ଆରମ୍ଭ କରିଛନ୍ତି।
ସୂଚନାଯୋଗ୍ୟ, ସୋମବାର ଉତ୍ତର କାଶ୍ମୀରର କୁପୱାଡ଼ା ଜିଲାରେ ଆତଙ୍କବାଦୀ ଆକ୍ରମଣ ଯୋଗୁ ସିଆରପିଏଫର ୩ ଯବାନ ଶହୀଦ ହୋଇଥିଲେ। ଅନ୍ୟ ୪ ଜଣ ଯବାନ ଆହତ ହୋଇଥିଲେ। କାରରେ ଆସିଥିବା ଆତଙ୍କବାଦୀମାନେ ସିଆରପିଏଫ ଯବାନଙ୍କ ଉପରକୁ ଆଖିବୁଜା ଗୁଳିମାଡ଼ କରିଥିଲେ। ଯବାନଙ୍କ ପାଲଟା ଆକ୍ରମଣ ଯୋଗୁ ସେମାନେ ଫେରାର ହୋଇଯାଇଥିଲେ।
