ନିଖୋଜ ମହିଳାଙ୍କ ମୃତଦେହ ଉଦ୍ଧାର

(ମଧୁସୂଦନ ବହିଦାର / ବଲାଙ୍ଗିର): ବଲାଙ୍ଗୀର ଜିଲ୍ଲା ସଇଁନ୍ତଳା ବ୍ଳକ ବୁଢାବାହାଲ ଗ୍ରାମପଞ୍ଚାୟତ ଅନ୍ତର୍ଗତ ବାବୁକେଲ ଗ୍ରାମରେ ପୋଖରୀରେ ମହିଳାଙ୍କ ମୃତ୍ୟୁ ଶରୀର ଭାସୁଥିବା ଅବସ୍ଥାରେ ଗ୍ରାମବାସୀ ଦେଖିଥିଲେ। ଏହା ପରେ ସଙ୍ଗେ ସଙ୍ଗେ ସଇଁନ୍ତଳା ପୋଲିସକୁ ଖବର ଦେଇଥିଲେ । ପୋଲିସ ଓ ଅଗ୍ନିଶମ କର୍ମଚାରୀ ଆସି ଶବକୁ ଉଦ୍ଧାର କରିଥିଲେ। ମୃତ ମହିଳା ଜଣକ ବାବୁକେଳ ଗ୍ରାମର ରମା ସେଲମା ବୋଲି ଜଣାପଡିଛି । ରମାଙ୍କ ସ୍ଵାମୀ କହିବା ଅନୁସାରେ ଗତଦୁଇ ଦିନହେଲା ରମା ନିଖୋଜଥିବା ପ୍ରକାଶ କରିଛନ୍ତି। ସଇଁନ୍ତଳା ପୋଲିସ ଏକ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଛି। ତେବେ ଏ ପର୍ୟ୍ୟନ୍ତ ମୃତ୍ୟୁର କାରଣ ଅସ୍ପଷ୍ଟ ରହିଛି ।