ନିମାପଡାରେ କରୋନା ସଂକ୍ରମଣ ରୋକିବା ପାଇଁ ଗଣଶିକ୍ଷା ମନ୍ତ୍ରୀଙ୍କ ବୈଠକ

(ଜୟନ୍ତ କୁମାର ସେଠୀ/ନିମାପଡା): ପୁରୀ ଜିଲ୍ଲା ନିମାପଡା ଓ ଗୋପ ବ୍ଲକରେ ମହାମାରୀ କରୋନାକୁ ପ୍ରତିହତ କରିବା ପାଇଁ ରାଜ୍ୟ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ସାଧାରଣ ଲୋକଙ୍କୁ ପରାମର୍ଶ ଦେଇଛନ୍ତି । ରାଜ୍ୟରେ ମହାମାରୀ କରୋନା ହୁ ହୁ ହୋଇ ବ୍ୟାପି ଥିବା ବେଳେ ନିମାପଡା ଗୋପ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ଏଣୁ ନିମାପଡା ବ୍ଲକ ପଞ୍ଚାୟତ ସମିତି ହଲରେ ପୁରୀ ସିଡିଏଏମ ଅଫିସର, ଏଡିଏମ , ନିମାପଡା ଗୋପ ବ୍ଲକର ବିଡିଓ, ତହସିଲଦାର, ଅତିରିକ୍ତ ତହସିଲଦାର, ଥାନା ଆଇଆଇସି, ସ୍ୱାସ୍ଥ୍ୟ କେନ୍ଦ୍ରର ସ୍ୱାସ୍ଥ୍ୟ ଅଧିକାରୀ ଏବଂ ସିଡିଏମଓଙ୍କୁ ନେଇ ଏକ ବୈଠକ କରାଯାଇଥିଲା । ଏଥିରେ ଗଣଶିକ୍ଷା ମନ୍ତ୍ରୀ ସମୀର ଦାଶ ଅଧ୍ୟକ୍ଷତା କରିଥିଲେ । ସାଧାରଣ ଲୋକେ ସାମାଜିକ ଦୂରତା ବଜାୟ ରଖିବା ସହ ବାହାରକୁ ବାହାରିଲେ ମାସ୍କ ପିନ୍ଧିବାକୁ ସେ ସାଧାରଣ ଲୋକଙ୍କୁ ପରାମର୍ଶ ଦେଇଥିଲେ । ନିମାପଡାରେ ଏଯାଏ ୧୫୭ ଜଣଙ୍କ ସ୍ୱାବ ପରୀକ୍ଷା ହୋଇଥିବା ବେଳେ ୨୩ ଜଣଙ୍କ ପଜିଟିଭ ଓ ୧୮ଜଣଙ୍କ ରିପୋର୍ଟ ନେଗେଟିଭ ଆସିଥିଲା । ସେହିପରି ଗୋପ ବ୍ଲକରେ ୭୪୪ ଜଣଙ୍କ ସ୍ୱାବ ପରୀକ୍ଷା ହୋଇଥିବା ବେଳେ ୩୩ ଜଣ ପଜିଟିଭ ଓ ୨୫ଜଣଙ୍କ ରିପୋର୍ଟ ନେଗେଟିଭ ଆସିଥିବା ମନ୍ତ୍ରୀ ସୁଚନା ଦେଇଥିଲେ। ନିମାପଡାର ୪ଟି ଜିଲା ପରିଷଦ ଜୋଣ ଏବଂ ନିମାପଡା ଏନଏସିକୁ ନେଇ ୫ଟି ସ୍ୱତନ୍ତ୍ର ସ୍କୁଆଡ଼ ଗଠନ କରାଯାଇଛି । ନିମାପଡା ଅଞ୍ଚଳରେ ଥିବା ସମସ୍ତ ପ୍ରକାର ବ୍ୟବସାୟ ଅନୁଷ୍ଠାନରେ ସାମାଜିକ ଦୂରତା ରଖିବା ସହିତ ମାସ୍କ ପିନ୍ଧିବାକୁ ବାଧ୍ୟତାମୂଳକ କରିବା ପାଇଁ ଅଧିକାରୀମାନଙ୍କୁ ଆୟୋଜିତ ବୈ÷ଠକରେ ଗଣଶିକ୍ଷା ମନ୍ତ୍ରୀ ନିର୍ଦ୍ଦେଶ ଦେଇଥିଲେ । ଏହି ଅଞ୍ଚଳର ବିଭିନ୍ନ ଗ୍ରାମକୁ ପଶ୍ଚିମବଙ୍ଗରୁ ଆସୁଥିବା ପ୍ରବାସୀ ଓଡ଼ିଆମାନେ ୧୪ ଦିନ ଅସ୍ଥାୟୀ ସ୍ୱାସ୍ଥ୍ୟ କେନ୍ଦ୍ରରେ ରହିବା ବାଧ୍ୟତାମୂଳକ ବୋଲି ମନ୍ତ୍ରୀ କହିଥିଲେ । ଉକ୍ତ ଅଞ୍ଚଳରେ କରୋନା ସଂକ୍ରମଣକୁ ପ୍ରତିହତ ପାଇଁ ମନ୍ତ୍ରୀଙ୍କ ପ୍ରସ୍ତାବଗୁଡିକୁ ସ୍ଥାନୀୟ ବୁଦ୍ଧିଜୀବୀମାନେ ପ୍ରଶଂସା କରିଛନ୍ତ