ନୂଆଦିଲ୍ଲୀ: ପଞ୍ଜାବ କଂଗ୍ରେସରେ ଗୋଟିଏ ଦିନରେ ଦୁଇ ଦୁଇଟି ଇସ୍ତଫା । ଦଳକୁ ମିଳିଛି ବଡ ଝଟକ।। । ପଞ୍ଜାବ କଂଗ୍ରେସ ସଭାପତି ନବଜୋତ ସିଂହ ସିଦ୍ଧୁ ପଦରୁ ଇସ୍ତଫା ଦେବାର ଅଳ୍ପ କିଛି ଘଣ୍ଟା ପରେ କୋଷାଧ୍ୟକ୍ଷ ପଦରୁ ଗୁଲଜାର ଇନ୍ଦର ଚହଲ ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ପତ୍ର ଦଳର ଅନ୍ତରୀଣ ଅଧ୍ୟକ୍ଷା ସୋନିଅ।। ଗାନ୍ଧୀଙ୍କୁ ପଠାଇ ଦେଇଛନ୍ତି । ଇସ୍ତଫା ପତ୍ରରେ ସେ ସ୍ପଷ୍ଟ ଉଲ୍ଲେଖ କରିଛନ୍ତି କି ତାଙ୍କ ଇସ୍ତଫା ପତ୍ରକୁ ତକ୍ରାଳ କାର୍ଯ୍ୟକାରୀ କରାଯାଉ ।
ଚଳିତ ମାସ ୨୧ ତାରିଖରେ ଚହଲଙ୍କୁ ଦଳର କୋଷାଧ୍ୟ ନିଯୁକ୍ତ କରାଯାଇଥିଲା। ସେହିପରି ପ୍ରଗତ ସିଂହ ଓ ଯୋଗିନ୍ଦର ପାଲ ଧିଙ୍ଗାରଙ୍କୁ ଦଳର ସାଧାରଣ ସମ୍ପାଦକ ପଦ ମିଳିଥିଲା। ତେବେ କୋଷାଧ୍ୟକ୍ଷ ପଦରେ ୭ ଦିନ କାର୍ୟ୍ୟ କରିବା ପରେ ଚହଲ ଆଜି ଇସ୍ତଫା ଦେଇଛନ୍ତି। ଚହଲ ହେଉଛନ୍ତି ପଞ୍ଜାବର ଜଣେ ଲୋକପ୍ରିୟ ଅଭିନେତା। ଅନେକ ଗୀତ ଓ ସିନେମାରେ ସେ ଅଭିନୟ କରିଛନ୍ତି।
ତେବେ ଦୁଇ ଜଣ ଦଳ ଛାଡିଥିବା ବେଳେ ଦିଲ୍ଲୀରେ କଂଗ୍ରେସ ମୁଖ୍ୟାଳୟରେ କହ୍ନେୟା କୁମାର ଓ ଦଳିତ ନେତା ଜିଗ୍ନେଶ ମେୱାନି ସାମିଲ ହୋଇଛନ୍ତି।
