ୱାସିଂଟନ: କରୋନା ମୁକାବିଲା ପାଇଁ ଏହାର ଯାଞ୍ଚ ନିତାନ୍ତ ଜରୁରୀ । କିନ୍ତୁ ଯାଞ୍ଚ ପାଇଁ ଆବଶ୍ୟକ ହେଉଥିବା କିଟ୍ର ଅନେକ ଦେଶରେ ରହିଛି ଅଭାବ । ତେଣୁ ଏହି କାର୍ଯ୍ୟରେ କୁକୁରଙ୍କୁ ନିୟୋଜିତ କରିବାକୁ ତାଲିମ ପ୍ରଦାନ କରାଯାଇଛି । ତାଲିମପ୍ରାପ୍ତ କୁକୁରମାନେ ମଣିଷର ପରିସ୍ରା ଓ ଛେପରୁ କରୋନା ଚିହ୍ନଟ କରିବେ । ପେନ୍ସିଲଭେନିଆ ୟୁନିଭର୍ସିଟିର ପଶୁ ଚିକିତ୍ସା ବିଭାଗର ଗବେଷକଙ୍କ ଅନୁଯାୟୀ ପରୀକ୍ଷଣରେ ଗନ୍ଧ ବାରି ଚିହ୍ନଟ କରିପାରୁଥିବା କୁକୁରଙ୍କୁ ପ୍ରଶିକ୍ଷଣ ଦିଆଯିବ । କୁକୁରଙ୍କର ୩୦ କୋଟି ଘ୍ରାଣ କୋଷ ରହିଛି । ତେଣୁ ରୋଗ ଚିହ୍ନଟ କରିବାରେ କୁକୁର ଅଧିକ ସହାୟକ ପ୍ରମାଣିତ ହେବେ । ଏହି ଅଧ୍ୟୟନ ଜରିଆରେ କୁକୁରଙ୍କ ସାହାଯ୍ୟରେ କରୋନା ଲକ୍ଷଣ ଦେଖାଦେଉଥିବା ଲୋକଙ୍କଠାରେ କରୋନା ଚିହ୍ନଟ ହେବ ।
ଗବେଷକଙ୍କ ଅନୁଯାୟୀ ଘ୍ରାଣ ଶକ୍ତି ବଳରେ ରୋଗ ଚିହ୍ନଟ କରିପାରୁଥିବା କୁକୁରଙ୍କୁ ହସ୍ପିଟାଲ ଓ ବ୍ୟବସାୟିକ ଅନୁଷ୍ଠାନରେ ନିୟୋଜିତ କରାଯିବ । ଭିଡ ଜାଗାରେ କରୋନା ରୋଗୀକୁ ଚିହ୍ନଟ କରିବା କୌଣସି ଚେତାବନୀ ଠାରୁ କମ ନୁହେଁ । ଏହି ଯାଞ୍ଚ ପ୍ରକ୍ରିୟା ଜୁଲାଇ ମାସରୁ ଆରମ୍ଭ କରାଯିବ ବୋଲି ଗବେଷକ କହିଛନ୍ତି
