ସ୍ନାତକ ଓ ସ୍ନାତକୋତ୍ତର ପ୍ରଥମ ବର୍ଷ ପାଠପଢା ନଭେମ୍ବର ୧୫ ମଧ୍ୟରେ ଆରମ୍ଭ

ଭୁବନେଶ୍ୱର: ରାଜ୍ୟରେ ସ୍ନାତକ ଓ ସ୍ନାତକୋତ୍ତର ପାଠ୍ୟବର୍ଷ ଆରମ୍ଭ ହୋଇଛି । ଚଳିତ ବର୍ଷ ସ୍ନାତକ ଓ ସ୍ନାତକୋତ୍ତର ପ୍ରଥମ ବର୍ଷ ପାଠପଢା ନଭେମ୍ବର ୧ରୁ ୧୫ ମଧ୍ୟରେ ଆରମ୍ଭ ହେବାକୁ ଯାଉଛି । ତେବେ ଚଳିତ ବର୍ଷ ଏହି ଶ୍ରେଣୀ ପାଇଁ ଅଫଲାଇନ ପାଠପଢା ହେବ । କ୍ଲାସରୁମ ପ।ଠ ପଢା ହେବାକୁ ଯାଉଥିବାରୁ କୋଭିଡ କୋଭିଡ୍ ଉପଯୁକ୍ତ ନିୟମ ଅନୁସରଣ କରିବା ଉପରେ ଗୁରୁତ୍ୱ ଦିଆଯିବ ବୋଲି ଉଚ୍ଚଶିକ୍ଷା ବିଭାଗ ସୂଚନା ଦେଇଛି।
ଛାତ୍ର ଏବଂ କର୍ମଚାରୀଙ୍କ ପାଇଁ ଫେସ୍ ମାସ୍କ / ଫେସ୍ କଭର ବାଧ୍ୟତାମୂଳକ ହେବ । ବାରମ୍ବାର ହାତ ଧୋଇବା / ହାତ ସାନିଟାଇଜେସନ୍ ନିଶ୍ଚିତ କରାଯିବ । ଶ୍ରେଣୀଗୃହ, ଲାଇବ୍ରେରୀ, ଲାବୋରେଟୋରୀ ଇତ୍ୟାଦିରେ ସାମାଜିକ ଦୂରତା ନିୟମ ଗ୍ରହଣ କରାଯିବ ତଥା କ୍ୟାମ୍ପସରେ ଛେପ ପକାଇବା ସମ୍ପୂର୍ଣ୍ଣ ନିଷେଧ ହେବ । କାଶିବା / ଛିଙ୍କିବା ସମୟରେ ରୁମାଲ ଦ୍ୱାରା ପାଟି ଏବଂ ନାକକୁ ଆଚ୍ଛାଦନ କରିବାକୁ ହେବ । ସ୍ୱାସ୍ଥ୍ୟ ନିରୀକ୍ଷଣକୁ ଗୁରୁତ୍ୱ ଦିଆଯିବ । କୌଣସି ଜରୁରୀକାଳୀନ ପରିସ୍ଥିତି ପାଇଁ ଅଲଗା କୋଠରୀ ପ୍ରସ୍ତୁତ ହେବ । ସେହି ଛାତ୍ରମାନଙ୍କ ପାଇଁ ହଷ୍ଟେଲ ସୁବିଧା ମଧ୍ୟ ଉପଲବ୍ଧ ହେବ ଯେଉଁମାନେ ହଷ୍ଟେଲରେ ଆଡମିଶନ ନେଇଛନ୍ତି । ହଷ୍ଟେଲରେ ସମସ୍ତ ସମ୍ଭାବ୍ୟ କୋଭିଡ- ୧୯ ପ୍ରତିରୋଧ ପ୍ରୋଟୋକଲ ଅନୁସରଣ କରାଯିବ ।