ଆମେରିକାରେ ଭାରତୀୟ ଛାତ୍ରକୁ ଗୁଳି ମାଡ

ଉଚ୍ଚଶିକ୍ଷା ପାଇଁ ଆମେରିକା ଯାଇଥିବା ଜଣେ ୨୪ ବର୍ଷୀୟ ଭାରତୀୟ ଯୁବକକୁ ଗୁଳିମାରି ହତ୍ୟା କରାଯାଇଛି । ସେ ଆମେରିକାର ଓହାଇଓରେ ଥିବା ଏକ ପେଟ୍ରୋଲ ପମ୍ପରେ କାମ କରି ନିଜର ପଢା ଖର୍ଚ୍ଚ ଉଠାଉଥିଲା । ମୃତ ଯୁବକର ଜଣଶଙ୍କ ହେଲେ ସାଇଶ ବୀରା ଓ ସେ ଆନ୍ଧ୍ରପ୍ରଦେଶର ବାସିନ୍ଦା ବୋଲି ସୂଚନା ମିଳିଛି । କଲମ୍ବସ ପୋଲିସ ଅଧିକାରୀମାନେ ପେଟ୍ରୋଲ ଟାଙ୍କିରେ ଗୁଳିକାଣ୍ଡ ହୋଇଥିବା ଖବର ପାଇଥିଲେ । ପୁଲିସ ସେଠାରେ ପହଞ୍ଚିବା ପରେ ସାଇଶ ବୀରାଙ୍କୁ ଗୁରୁତର ଅବସ୍ଥାରେ ଠାବ କରାଯାଇଥିଲା । କଲମ୍ବସ ସହରର ଅଗ୍ନିଶମ ସେବା କର୍ମଚାରୀ ପହଞ୍ଚି ତାଙ୍କୁ ସ୍ଥାନୀୟ ଡାକ୍ତରଖାନାକୁ ନେଇଥିଲେ। ସେଠରେ ଡାକ୍ତର ତାଙ୍କୁ ମୃତ ଘୋଶଣା କରିଥିଲେ । ଘଟଣା ସଂପର୍କରେ ମୃତ ଯୁବକର ପରିବାର ଲୋକଙ୍କୁ ଅବଗତ କରାଯାଇଛି ବୋଲି ପୁଲିସ କହିଛି। କଲମ୍ବସ ଡିଭିଜନ ପୋଲିସ ସିସିଟିଭି କ୍ୟାମେରା ଫୁଟେଜକୁ ଉଦ୍ଧାର କରି ପୁଲିସ ସନ୍ଦିଗ୍ଧଙ୍କ ଏକ ଫଟୋ ମଧ୍ୟ ଜାରି କରିଛି ।