(ମୁମ୍ବାଇ) : ରିଲିଜ ହେଲା ଆଦିପୁରୁଷ ଚଳଚ୍ଚିତ୍ରର ଦ୍ୱିତୀୟ ଗୀତ । ଏହି ଗୀତ ଆସିବା ମାତ୍ରେ ଦର୍ଶକଙ୍କ ହୃଦୟରେ ରାଜ୍ କରିବା ଆରମ୍ଭ କରିଛି । ସୋସିଆଲ ମିଡିଆରେ ବେଶ୍ ଲୋକପ୍ରିୟ ହୋଇପାରିଛି ଏହି ଗୀତ । ଏହି ଚଳଚ୍ଚିତ୍ରର ଟ୍ରେଲର ପରେ ଏହାର ଦ୍ୱିତୀୟ ଗୀତ ସୋସିଆଲ ମିଡିଆରେ ବେଶ୍ ଲୋକପ୍ରିୟ ହୋଇପାରିଛି ।
ଆଦିପୁରୁଷଙ୍କ ଦ୍ୱିତୀୟ ଗୀତ ‘ରାମ ସିଆ ରାମ’ର ବେଶ୍ ପ୍ରଶଂସା କରାଯାଉଛି । ମାତ୍ର ୧ ଘଣ୍ଟା ମଧ୍ୟରେ ୧ .୨ ମିଲିୟନ୍ ଭ୍ୟୁ ପାଇ ସାରିଲାଣି ଏହି ଗୀତ । ସୋସିଆଲ ମିଡିଆ ଟ୍ରେଣ୍ତ କରୁଛି ଗୀତ ଆଦିପୁରୁଷଙ୍କ ଦ୍ୱିତୀୟ ଗୀତ ରିଲିଜ ହେବା ମାତ୍ରେ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଗୀତର ଲିରିକ୍ସକୁ ପ୍ରସିଦ୍ଧ ଗୀତିକାର ମନୋଜ ମୁନ୍ତାସୀର ଶୁକ୍ଳା ଲେଖିଥିବା ବେଳେ ଲୋକପ୍ରିୟ ଗାୟକ ସାଚେତ୍ ଏବଂ ପରମପରା କଣ୍ଠ ଦାନ କରିଛନ୍ତି । ଗତକାଲି ଅଭିନେତା ପ୍ରଭାସ ତାଙ୍କ ଅଫିସିଆଲ୍ ଟ୍ୱିଟରରେ ପ୍ରଶଂସକଙ୍କୁ ଏହି ଗୀତ ରିଲିଜ୍ ବିଷୟରେ ସୂଚନା ଦେଇଥିଲେ ।
