(ମୁମ୍ବାଇ): ବଲିଉଡର ଭେଟେରାନ୍ ଅଭିନେତା ସାଜିଦ ଖାନଙ୍କ ଡିସେମ୍ବର ୨୨ ରେ ଦେହାନ୍ତ ହୋଇଛି। ସେ ଦୀର୍ଘ ଦିନ ଧରି କର୍କଟ ରୋଗରେ ପୀଡିତ ଥିଲେ | ସାଜିଦ ଖାନଙ୍କ ଦେହାନ୍ତ ବିଷୟରେ ତାଙ୍କ ପୁଅ ସମୀର ସୂଚନା ଦେଇଛନ୍ତି। ସାଜିଦଙ୍କ ଦେହାନ୍ତ ଖବର ବୁଧବାର ଦିନ ସାମ୍ନାକୁ ଆସିଥିବା ବେଳେ ଏକ ଗୁଜବ ପ୍ରକାଶ ପାଇଥିଲା ଯେ ନିର୍ଦ୍ଦେଶକ ସାଜିଦ ଖାନଙ୍କ ଦେହାନ୍ତ ହୋଇଛି। ଲୋକମାନେ କନଫ୍ୟୁଜ ହୋଇଯାଇଥିଲେ କାରଣ ଉଭୟଙ୍କର ସମାନ ନାମ ଥିଲା |
ସୂଚନାନୁଯାୟୀ , ବର୍ତ୍ତମାନ ସାଜିଦ ଖାନ ଏହି ଗୁଜବକୁ ନେଇ ନିଆରା ଢଙ୍ଗରେ ପ୍ରତିକ୍ରିୟା ରଖିଛନ୍ତି | ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସେ ଏହି ସୂଚନା ଦେଇଛନ୍ତି। ସେ ନିଜେ ଏକ ଭିଡିଓ ସେୟାର କରିଛନ୍ତି। ସାଜିଦ ଖାନ ଏହି ଭିଡିଓ ସେୟାର କରିଛନ୍ତି ଏବଂ କହିଛନ୍ତି ଯେ ଦେହାନ୍ତ ହୋଇଥିବା ବ୍ୟକ୍ତି ହେଉଛନ୍ତି ଅଭିନେତା ସାଜିଦ ଖାନ। ଭିଡିଓ ସେୟାର କରିବା ବେଳେ ସେ କହିଛନ୍ତି ମୁଁ ଜଣେ ଭୂତ, ମୁଁ ସାଜିଦ ଖାନଙ୍କ ଭୂତ। ମୁଁ ତୁମ ସମସ୍ତଙ୍କୁ ଖାଇବି | ମୋର ଆତ୍ମା ଶାନ୍ତି ପାଇବ ନାହିଁ। ତୁମେ କିପରି ଶାନ୍ତି ପାଇବ? ସେ ୧୯୫୧ ମସିହାରେ ଜନ୍ମ ହୋଇଥିଲେ | ମୁଁ ୨୦ ବର୍ଷ ପରେ ଜନ୍ମ ହେଲି |
