(ମୁମ୍ବାଇ) : ଅଜୟ ଦେବଗନ୍ ଏବଂ ଆର ମାଧବନଙ୍କ ଫିଲ୍ମ ‘ଶୈତାନ’ କ୍ରେଜ୍ । ଲୋକେ ଏହି ଫିଲ୍ମ ଦେଖିବା ପାଇଁ ପସନ୍ଦ କରୁଛନ୍ତି । ଏହି ଚଳଚ୍ଚିତ୍ର ପ୍ରତିଦିନ ପ୍ରେକ୍ଷାଳୟରେ ଜବରଦସ୍ତ ବ୍ୟବସାୟ କରୁଛି । ୮ ମାର୍ଚ୍ଚରେ ଏହି ଫିଲ୍ମ ରିଲିଜ୍ ହୋଇଥିଲା ଏବଂ ପ୍ରଥମ ଦିନରୁ ହିଁ ଏହି ସିନେମା ଭଲ ଆୟ କରିଆସୁଛି । ପାଞ୍ଚ ଦିନରେ ‘ ‘ଶୈତାନ’ର ଆୟ ବଢିବା ସହ ଆର ମାଧବନ୍ ଏକ ରେକର୍ଡ ସୃଷ୍ଟି କରିଛନ୍ତି ।
ସୂଚନାନୁଯାୟୀ ,’ଶୈତାନ’ର ପ୍ରଥମ ଦିନରେ ୧୪.୭୫କୋଟି ଟଙ୍କା ରେକର୍ଡ କରାଯାଇଥିଲା । ଦ୍ୱିତୀୟ ଦିନରେ ୧୮.୭୫କୋଟି ଏବଂ ତୃତୀୟ ଦିନରେ ୨୦.୫କୋଟି ଟଙ୍କା ଆୟ କରିଥିବା ବେଳେ ଚତୁର୍ଥ ଦିନରେ ସିନେମାଟି ମାତ୍ର ୭କୋଟି ଟଙ୍କାର ରୋଜଗାର କରିଥିଲା । ବର୍ତ୍ତମାନ ପଞ୍ଚମ ଦିନର ପ୍ରାଥମିକ ଆକଳନ ମଧ୍ୟ ପ୍ରକାଶ ପାଇଛି, ଯାହା ଅନୁସାରେ ଫିଲ୍ମ ଏପର୍ଯ୍ୟନ୍ତ ୨.୪କୋଟି ଟଙ୍କାର ବ୍ୟବସାୟର କରିସାରିଲାଣି । ଏହା ସହ ଏହି ଫିଲ୍ମ ‘ଶୈତାନ’ ଆର ମାଧବନଙ୍କ କ୍ୟାରିୟରର ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟ ହୋଇପାରିଛି । ଏହା ଏକ ଆକ୍ସନ୍-ଥ୍ରୀଲର୍ ଚଳଚ୍ଚିତ୍ର ଯେଉଁଥିରେ ଆର ମାଧବନ୍ ‘ଶୈତାନ’ ଭୂମିକାରେ ଅଭିନୟ କରୁଛନ୍ତି । ଅଜୟ ଦେବଗନ ଏବଂ ଆର ମାଧବନଙ୍କ ବ୍ୟତୀତ ଜ୍ୟୋତିକା ଏବଂ ଜାନକୀ ବୋଡିୱାଲା ଏହି ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଛନ୍ତି।
