ବିଶ୍ବକପ ପୂର୍ବରୁ ହଠାତ ଅବସର ନେଲେ ଅଷ୍ଟ୍ରେଲିଆ ଦ୍ରୁତ ବୋଲର କେନ୍ ରିଚାର୍ଡସନ । ରିଚାର୍ଡସନ ଆଜି ସବୁ ଫର୍ମାଟରୁ ଅବସର ନେଇଛନ୍ତି ଯାହାଫଳରେ ୧୭ ବର୍ଷରେ ତାଙ୍କର ବୃତ୍ତିଗତ କ୍ୟାରିଅରରେ ପଡ଼ିଛି ପୂର୍ଣ୍ଣଛେଦ । ରିଚାର୍ଡସନ ୨୦୨୧ରେ ଟି୨୦ ବିଶ୍ୱକପ୍ ଜିତିଥିବା ଅଷ୍ଟ୍ରେଲିଆ ଦଳର ଅଂଶ ଥିଲେ।
କେନ୍ ରିଚାର୍ଡସନ୍ଙ୍କ କ୍ୟାରିଅର ୨୦୦୯ ମସିହାରେ ଆରମ୍ଭ ହୋଇଥିଲା । ଏହି ସମୟରେ ସେ ୧୦ ବର୍ଷ ଧରି ଅନ୍ତର୍ଜାତୀୟ କ୍ରିକେଟରେ ସକ୍ରିୟ ରହିଥିଲେ। ୨୦୧୩ ମସିହାରେ ଶ୍ରୀଲଙ୍କା ବିପକ୍ଷରେ ତାଙ୍କର ଅନ୍ତର୍ଜାତୀୟ ଡେବ୍ୟୁ କରିଥିବା ରିଚାର୍ଡସନ୍ ୨୦୨୩ ମସିହାରେ ଗୌହାଟୀରେ ଭାରତ ବିପକ୍ଷରେ ଏକ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ତାଙ୍କର ଟି-୨୦ ଅନ୍ତର୍ଜାତୀୟ କ୍ୟାରିଅର ୨୦୧୪ ମସିହାରେ ପାକିସ୍ତାନ ବିପକ୍ଷରେ ଆରମ୍ଭ ହୋଇଥିଲା।କେନ୍ ରିଚାର୍ଡସନ ମୋଟ ୬୧ଟି ଅନ୍ତର୍ଜାତୀୟ ମ୍ୟାଚ୍ ଖେଳି ୮୪ ୱିକେଟ୍ ନେଇଛନ୍ତି । ଯେଉଁଥିରେ ୨୫ଟି ଦିନିକିଆ ମ୍ୟାଚ୍ ମଧ୍ୟ ରହିଛି । ଯେଉଁଥିରୁ ସେ ନେଇଛନ୍ତି ୩୯ଟି ୱିକେଟ୍ । ତାଙ୍କର ସର୍ବୋତ୍ତମ ଦିନିକିଆ ପ୍ରଦର୍ଶନ ହେଉଛି ୬୮ ରନରେ ୫ଟି ୱିକେଟ୍। ୩୬ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ରେ, ରିଚାର୍ଡସନ ନେଇଛନ୍ତି ୪୫ ଟି ୱିକେଟ୍।
