ଇରାନ୍ ଓମାନ ଉପକୂଳରେ ହର୍ମୁଜ୍ ପ୍ରଣାଳୀରେ ସାଇପ୍ରସ୍ ପତାକାଧାରୀ ବାଣିଜ୍ୟିକ ଜାହାଜ, GFS ଗାଲାକ୍ସି ଉପରେ ଆକ୍ରମଣ କରିଛି। ଓମାନ ଉପକୂଳରେ ଯେତେବେଳେ ଏହି ଆକ୍ରମଣ ଘଟିଥିଲା ସେତେବେଳେ GFS Galaxy ନାମକ ଜାହାଜରେ ଏଗାର ଜଣ ଭାରତୀୟ ଥିଲେ। ଭାରତ ସରକାର କହିଛନ୍ତି ଯେ ଏହି ଭାରତୀୟଙ୍କ ମଧ୍ୟରୁ ୧୦ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି, ଆକ୍ରମଣ ପରେ, ଜଣେ ଭାରତୀୟ ନାଗରିକ ନିଖୋଜ।
ରିପୋର୍ଟ ଅନୁସାରେ, ଆକ୍ରମଣ ପରେ GFS ଗାଲାକ୍ସି ଜାହାଜରେ ନିଆଁ ଲାଗିଯାଇଥିଲା, ଯାହା ଫଳରେ କ୍ରୁ ସେଠାରୁ ପଳାଇଥିଲେ । ଏହି ଘଟଣାର ନିନ୍ଦା କରି ବୈଦେଶିକ ବ୍ୟାପାର ମନ୍ତ୍ରଣାଳୟ (MEA) କହିଛି ଯେ ଓମାନରେ ଥିବା ଭାରତୀୟ ଦୂତାବାସ ପରିସ୍ଥିତି ଉପରେ କଡ଼ା ନଜର ରଖିଛି ଏବଂ ସ୍ଥାନୀୟ ପ୍ରଶାସନ ସହିତ ରିଲିଫ ଏବଂ ଉଦ୍ଧାର କାର୍ଯ୍ୟରେ ସହଯୋଗ କରୁଛି।
ବୈଦେଶିକ ମନ୍ତ୍ରଣାଳୟ ଆହୁରି କହିଛି ଯେ ଓମାନରେ ଥିବା ଆମର ଦୂତାବାସ ପରିସ୍ଥିତି ଉପରେ ନିକଟରୁ ନଜର ରଖିଛି ଏବଂ ଚାଲିଥିବା ସନ୍ଧାନ ଏବଂ ଉଦ୍ଧାର କାର୍ୟ୍ୟରେ ଓମାନ କର୍ତ୍ତୃପକ୍ଷଙ୍କ ସହିତ ନିରନ୍ତର ସମନ୍ୱୟ ରଖିଛି। ଆମେ ଓମାନ କର୍ତ୍ତୃପକ୍ଷଙ୍କୁ ସେମାନଙ୍କର ସମର୍ଥନ ପାଇଁ ଧନ୍ୟବାଦ ଜଣାଉଛୁ।
