(ମୁମ୍ବାଇ) : ବଲିଉଡ ଅଭିନେତା ଶେଖର ସୁମନ୍ ନିଜ ୱେବ୍ ସିରିଜ୍ ‘ହିମାମଣ୍ତି’କୁ ନେଇ ଚର୍ଚ୍ଚାରେ ଅଛନ୍ତି । ଏହାରି ମଧ୍ୟରେ ଅଭିନେତା ବର୍ତ୍ତମାନ ଆଉ ଏକ ବଡ଼ ନ୍ୟୁଜକୁ ନେଇ ହେଡଲାଇନରେ ଅଛନ୍ତି । ମେ’୭ ତାରିଖରେ ଶେଖର ସୁମନ ବିଜେପିରେ ଯୋଗ ଦେଇଛନ୍ତି ।
ସୂଚନାନୁଯାୟୀ , ୨୦୦୯ମସିହାରେ ଶେଖର ସୁମନ ଶତ୍ରୁଘ୍ନ ସିହ୍ନାଙ୍କ ବିରୋଧରେ ପାଟନା ସାହିବରୁ ନିର୍ବାଚନ ଲଢିଥିଲେ । ଗୋଟେ ପଟେ ଦେଶରେ ଲୋକସଭା ନିର୍ବାଚନ ପାଇଁ ତୃତୀୟ ପର୍ଯ୍ୟାୟ ମତଦାନ ଜାରି ଚାଲିଥିବା ବେଳେ ଶେଖର ସୁମନ ବିଜେପିରେ ଯୋଗ ଦେଇଛନ୍ତି। ତେବେ ଭବିଷ୍ୟତରେ ଶେଖର ସୁମନ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଶେଖର ସୁମନ ବର୍ତ୍ତମାନ ତାଙ୍କର ରିଲିଜ୍ ହୋଇଥିବା ସିରିଜ୍ ହିରାମଣ୍ଡି ସଫଳତାକୁ ଉପଭୋଗ କରୁଛନ୍ତି । ଏହି ସିରିଜ୍ ନେଟଫ୍ଲିକ୍ସରେ ଚଳିତ ମାସରେ ମୁକ୍ତିଲାଭ କରିଛି । ହିରାମଣ୍ଡିରେ ଶେଖର ସୁମନଙ୍କ ଅଭିନୟକୁ ବହୁତ ପ୍ରଶଂସା କରାଯାଉଛି ।
