(ମୁମ୍ବାଇ) : ପୂର୍ବରୁ ମୁକ୍ତିଲାଭ କରିସାରିଛି ପ୍ରଭାସ ଏବଂ କ୍ରିତି ସାନନଙ୍କ ଫିଲ୍ମ ‘ଆଦିପୁରୁଷ’ର ଟ୍ରେଲର । ଫିଲ୍ମର ଟ୍ରେଲକୁ ପ୍ରଶଂସକଙ୍କର ବେଶ୍ ଅଧିକ ଭଲ ପାଇବା ମିଳୁଛି । ତେବେ ଏହି ଫିଲ୍ମ ୧୬ ଜୁନ୍ ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଏହି ଫିଲ୍ମର ମୋଟ ସ୍କ୍ରିନ୍ ପ୍ଲେ ସମୟ ୨ ଘଣ୍ଟା ୫୯ ମିନିଟ୍ ରହିବ । ତେବେ ଅହରୀ ମଧ୍ୟରେ ଆଦିପୁରୁଷକୁ ମିଳିଲା ‘ୟୁ’ ସାର୍ଟିଫିକେଟ୍ । ଓମ୍ ରାଉତଙ୍କ ନିର୍ଦ୍ଦେଶିତ ଚଳଚ୍ଚିତ୍ର ‘ଆଦିପୁରୁଷ’କୁ କେନ୍ଦ୍ରୀୟ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ ଦ୍ୱାରା ‘ୟୁ’ ସାର୍ଟିଫିକେଟ୍ ଦିଆଯାଇଛି । ଏହାର ଅର୍ଥ ସବୁ ବୟସର ଲୋକମାନେ ରାମାୟଣ ଉପରେ ଆଧାରିତ ଏହି ଚଳଚ୍ଚିତ୍ର ଦେଖିପାରିବେ ।
ସୂଚନାନୁସାରେ, ଆଦିପୁରୁଷର ରିଲିଜ୍ ପୂର୍ବ ଇଭେଣ୍ଟରେ ଫୁଟିବ ୫୦ଲକ୍ଷର ବାଣ। ଜୁନ୍ ୧୬ରେ ଫିଲ୍ମଟି ରିଲିଜ୍ ହେବାକୁ ଥିବା ବେଳେ ଏହି ଫିଲ୍ମକୁ ନେଇ ବେଶ ଖୁସି ଅଛନ୍ତି ଦର୍ଶକ। ଏହି କାର୍ଯ୍ୟକ୍ରମରେ ପ୍ରଭାସ ଓ କ୍ରିତିଙ୍କ ହଜାର ହଜାର ପ୍ରଶଂସକ ଯୋଗଦେବେ ବୋଲି ଆଶା କରାଯାଉଛି। କାର୍ଯ୍ୟକ୍ରମ ପାଇଁ ଏବେ ପ୍ରସ୍ତୁତି ଚାଲିଥିବାବେଳେ ନିର୍ମାତାମାନେ ଏହି ଇଭେଣ୍ଟକୁ ସ୍ମରଣୀୟ କରିବା ପାଇଁ ୫୦ଲକ୍ଷ ଟଙ୍କାର ବାଣ ଫୁଟାଇବାକୁ ଯୋଜନା କରୁଥିବା ଜଣାପଡ଼ିଛି।
