ପୁଣି ଆଉ ଜଣେ ହିନ୍ଦୁଙ୍କ ଉପରେ ବାଂଲାଦେଶ ଆକ୍ରମଣ କରିଛି । ବାଂଲାଦେଶର ନରସିଙ୍ଗଡିରେ ଏକ ଗ୍ୟାରେଜ ଭିତରେ ଶୋଇଥିବା ସମୟରେ ଜଣେ ୨୩ ବର୍ଷୀୟ ହିନ୍ଦୁ ଯୁବକଙ୍କୁ ଜୀବନ୍ତ ଜାଳି ଦିଆଯାଇଥିବା ଅଭିଯୋଗ ହୋଇଛି। ଯୁବକଙ୍କୁ ଜାଳି ଦେବା ପରେ ହିନ୍ଦୁ ସମ୍ପ୍ରଦାୟରେ ଆତଙ୍କ ସୃଷ୍ଟି କରିଛି । ପୀଡିତ ବ୍ୟକ୍ତିଙ୍କୁ ଚଞ୍ଚଳ ଚନ୍ଦ୍ର ଭୌମିକ ବୋଲି ଚିହ୍ନଟ କରାଯାଇଛି, ସେ କୁମ୍ଭିଲା ଜିଲ୍ଲାର ଲକ୍ଷ୍ମୀପୁର ଗ୍ରାମର ବାସିନ୍ଦା ଖୋକନ ଚନ୍ଦ୍ର ଭୌମିକଙ୍କ ପୁଅ। ଗ୍ୟାରେଜରେ ବହୁ ବର୍ଷ ଧରି କାମ କରୁଥିବା ଚଞ୍ଚଳ ତାଙ୍କ ପରିବାରର ଏକମାତ୍ର ରୋଜଗାରକ୍ଷମ ଥିଲେ। ଶୁକ୍ରବାର ବିଳମ୍ବିତ ରାତିରେ ଚଞ୍ଚଳ ଗ୍ୟାରେଜ ଭିତରେ ଶୋଇଥିବା ସମୟରେ ଆକ୍ରମଣ ହୋଇଥିଲା। ଅଜ୍ଞାତ ଆକ୍ରମଣକାରୀମାନେ ବାହାରୁ ଗ୍ୟାରେଜର ସଟରରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି।
ଚଞ୍ଚଲ ଦୀର୍ଘ ସମୟ ଧରି ନିଆଁରେ ଫସି ରହିଥିଲେ ଏବଂ ଶ୍ୱାସରୁଦ୍ଧ ଏବଂ ପୋଡ଼ି ଯାଇଥିବା ଆଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିଲା ବୋଲି ପ୍ରତ୍ୟକ୍ଷଦର୍ଶୀମାନେ କହିଛନ୍ତି। ଚଞ୍ଚଳଙ୍କ ପରିବାର ଏହି ଘଟଣାକୁ ଏକ “ଯୋଜନାବଦ୍ଧ ହତ୍ୟା” ବୋଲି କହିଛନ୍ତି ଏବଂ ଦାୟୀଙ୍କୁ ତୁରନ୍ତ ଗିରଫ କରିବା ସହିତ ଯଥାସମ୍ଭବ କଠୋର ଦଣ୍ଡ ଦେବାକୁ ଦାବି କରିଛନ୍ତି। ପୋଲିସ କହିଛି ଯେ ଘଟଣାସ୍ଥଳରୁ ପ୍ରମାଣ ସଂଗ୍ରହ କରାଯାଇଛି, ଏବଂ ମାମଲା ପଞ୍ଜିକରଣ ପ୍ରକ୍ରିୟା ଚାଲିଛି। ନିକଟସ୍ଥ ସିସି କ୍ୟାମେରାରେ ଆକ୍ରମଣକାରୀମାନେ ଗ୍ୟାରେଜରେ ନିଆଁ ଲଗାଇ ଦେଉଥିବାର ଦେଖାଯାଇଥିଲା, କିନ୍ତୁ ଏପର୍ଯ୍ୟନ୍ତ ସେମାନଙ୍କୁ ଚିହ୍ନଟ କରାଯାଇ ନାହିଁ। ଅନ୍ୟପଟେ ମୃତଦେହ ଉଦ୍ଧାର କରାଯିବା ସହ ସିସିଟିଭି ଫୁଟେଜ ମଧ୍ୟ କବଜାରେ ରଖିଛି ପୋଲିସ । ଅପରାଧୀଙ୍କ ଚିହ୍ନଟ କରିବା ପାଇଁ ପୋଲିସର ଏକାଧିକ ଟିମ୍ ଏଥିରେ ନିୟୋଜିତ ହୋଇଛନ୍ତି ।
