(ଦିଲ୍ଲୀ) : ପୁଣି ସେନା ଗାଡ଼ିକୁ ଟାର୍ଗେଟ କଲେ ଆତଙ୍କବାଦୀ । ଯବାନମାନଙ୍କୁ ନେଇ ଯାଉଥିବା ଏକ ଆର୍ମି ଟ୍ରକ୍ ଉପରେ ହଠାତ୍ ଆତଙ୍କବାଦୀମାନେ ଆକ୍ରମଣ କରିଥିବା ଜଣାପଡ଼ିଛି । ଏହି ଘଟଣା ଘଟିଛି ପୁଞ୍ଚ ସେକ୍ଟରର ଥାନାମଣ୍ଡି ଅଞ୍ଚଳରେ । ଆଉ ଏଥିରେ ୩ଜଣ ସେନା ଯବାନ ସହିଦ୍ ହୋଇଥିବା ବେଳେ , ୩ଜଣ ସେନା ଗୁରୁତର ଆହତ ହୋଇଛନ୍ତି ।
ସୂଚନାନୁଯାୟୀ , ଘଟଣାସ୍ଥଳକୁ ଅତିରିକ୍ତ ଯବାନଙ୍କୁ ପଠାଯାଇ ସର୍ଚ୍ଚ ଅପରେସନ ଯୋରଦାର କରିଛି ଭାରତୀୟ ସେନା । ରାଜୋରିର ଥାନାମଣ୍ଡିର ଡେରା ରାସ୍ତାରେ ୨୦ ଡିସେମ୍ବର ରାତିରୁ ସେନା ସର୍ଚ୍ଚ ଅପରେସନ କରୁଥିଲେ । ଆଉ ଡିସେମ୍ବର ୨୧ ଅପରାହ୍ନ ୩: ୪୫ ରେ, ଯେତେବେଳେ ଦୁଇଟି ସେନା ଗାଡି ସୈନିକମାନଙ୍କୁ ଅପରେସନ୍ ସ୍ଥାନକୁ ନେଉଥିଲେ ସେତେବେଳେ ଆତଙ୍କବାଦୀମାନେ ଗୁଳି ଚଳାଇଥିଲେ ଗାଡ଼ିଉପରକୁ । ଆତଙ୍କବାଦୀ ଆକ୍ରମଣ ପରେ ଭାରତୀୟ ସେନା ସୈନିକମାନେ ମଧ୍ୟ ତୁରନ୍ତ ଏହାର ଯାବବରେ ଫାଇରିଂ କରିଥିଲେ ।
