(ମୁମ୍ବାଇ) : ଆପଣ ଗତ ଏପ୍ରିଲ ମାସରେ ରିଲିଜ ହୋଇଥିବା ଫିଲ୍ମ ବଡେ ମିଆଁ-ଛୋଟେ ମିଆଁ ଦେଖିପାରିନାହାନ୍ତି । ତେବେ କିଛି କଥା ନୁହଁ ଅକ୍ଷୟ କୁମାର ଓ ଟାଇଗରଙ୍କ ଏହି ଧମାକାଦାର ଫିଲ୍ମ ଖୁବ ଶୀଘ୍ର ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଯାଉଛି । ବାସ୍ତବରେ ଆଜି ଏହି ଫିଲ୍ମର ଓଟିଟି ରିଲିଜ୍ ତାରିଖ ପ୍ରକାଶ ପାଇଛି | ଆପଣ ଜୁନ୍ ୬ରୁ ନେଟଫ୍ଲିକ୍ସରେ ଏହି ଫିଲ୍ମ ଦେଖିପାରିବେ ।
ସୂଚନାନୁଯାୟୀ , ଚଳଚ୍ଚିତ୍ର ବଡେ ମିଆଁ- ଛୋଟେ ମିଆଁ ଚଳିତ ବର୍ଷ ଇଦ୍ ଅର୍ଥାତ୍ ୧୧ ଏପ୍ରିଲରେ ପ୍ରେକ୍ଷାଳୟରେ ରିଲିଜ ହୋଇଥିଲା। ରିଲିଜ ଦିନ ଏହା ୧୬ କୋଟି ଟଙ୍କା ରୋଜଗାର କରିଥିଲା କିନ୍ତୁ ଏହା ଅଧିକ ସମୟ ପର୍ଯ୍ୟନ୍ତ ଭଲ ରୋଜଗାର କରିପାରି ନଥିଲା ଏବଂ ଚଳଚ୍ଚିତ୍ରଟି ମୋଟ ୬୮ କୋଟି ଟଙ୍କା ରୋଜଗାର କରିଥିଲା । ଏହା ୧୦୦ କୋଟି ଟଙ୍କାକୁ ଛୁଇଁ ପାରିନଥିଲା । ବର୍ତ୍ତମାନ ଲୋକମାନେ ଏହାର ଓଟିଟି ରିଲିଜକୁ ଅପେକ୍ଷା କରିଛନ୍ତି, ଯାହାର ତାରିଖ ପ୍ରକାଶ ପାଇଛି ।
