ସୁନ୍ଦରଗଡ଼: ସୁନ୍ଦରଗଡ଼ ବଣାଇ ସହରରେ ଗୋଠଛଡ଼ା ଦନ୍ତା ହାତୀର ଉତ୍ପାତ । ସହରର ବାଣେଶ୍ୱର ମନ୍ଦିର ପରିସରରେ ପଶିଲା ଦନ୍ତା ହାତୀ । ଲୋକେ ଭୟଭୀତ । ଦନ୍ତାକୁ ଘଉଡ଼ାଇବାକୁ ବନ ବିଭାଗର ଉଦ୍ୟମ ଜାରି ରଖିଛି । କିଛି ଦିନ ହେବ ଦନ୍ତା ବଣାଇ ଅଞ୍ଚଳରେ ସୃଷ୍ଟି କରିଛି ଆତଙ୍କ।
କିଛି ଦିନ ତଳେ ବଣାଇ ଥାନା ମଗରମୁଣ୍ଡାରେ ଅଞ୍ଚଳରେ ଗୋଠଛଡ଼ା ଦନ୍ତା ହାତୀର ଉପଦ୍ରବ ଦେଖିବାକୁ ମିଳିଥିଲା । ମଗରମୁଣ୍ଡାରେ ଗୋଠଛଡ଼ା ଦନ୍ତା ହାତୀର ଉତ୍ପାତ କରିଥିଲା । ଲୋକେ ହାତୀ ଭୟରେ ଘରୁ ବାହାରୁ ନାହାଁନ୍ତି । ଗମଗରମୁଣ୍ଡା ଗାଁ ପଶି ଲୋକେ ଶୋଇଥିବା ବେଳେ ୫ଟି ଘରର କାନ୍ଥ ଭାଙ୍ଗି ଦେଇଥିଲା ଦନ୍ତା । ଶୋଇଥିବା ବେଳେ ବିପଦ ମୁହଁରୁ ଅଳ୍ପକେ ବର୍ତ୍ତିଛନ୍ତି ୩ରୁ ୪ ପରିବାର । ଦନ୍ତା ଘର ଭାଙ୍ଗିବା ସହ ଧାନ, ଚାଉଳ ଓ ଫସଲ ନଷ୍ଟ କରିଛି ।
