ଚେନ ଲୁଟିବାକୁ ଯାଇ ନିର୍ଧୁମ ଛେଚା ଖାଇଲେ ଲୁଟେରା

ଅଜିତ ସାହୁ/ଜଳେଶ୍ବର: ଭୁଜାଲି ଲଗାଇ ଚେନ ଲୁଟି ନେବା ୨ ଦୁର୍ବୃତ୍ତଙ୍କୁ ପଡିଲା ମହଙ୍ଗା । ସ୍ଥାନୀୟ ଲୋକଙ୍କ ହାତରେ ଧରା ପଡି ଖାଇଲେ ନିସ୍ତୁକ ମାଡ । ଏଭଳି ଘଟଣା ଘଟିଛି ବାଲେଶ୍ଵର ଜିଲ୍ଲା ବାଲିଆପାଳ ଥାନା ଅଧୀନ ରେମୁ ଛକରେ । ନାବରା ମହିଳା ମହାବିଦ୍ୟାଳୟର ଅଧ୍ୟାପିକ ସାଧନ ଦାସ ଅଧିକାରୀ ସ୍କୁଟି ଯୋଗେ ଘରକୁ ଫେରିବା ବେଳେ ଦୁର୍ବୃତ୍ତ ତାଙ୍କୁ ଏକ ବାଇକରେ ପିଛା କରିଥିଲେ । ଏକ ଶୂନଶାନ ରାସ୍ତାରେ ତାଙ୍କ ସ୍କୁଟି ଅଟକାଇ ଛୁରୀ ଦେଖାଇ ଚେନ ଛିଡାଇ ଥିଲେ । ତେବେ ଅଧ୍ୟାପିକା ଜଣକ ଚିତ୍କାର କରିବାରୁ ସ୍ଥାନୀୟ ଲୋକେ ଉଭୟଙ୍କୁ ଧରି ବାନ୍ଧି ପକାଇ ନିର୍ଧୁମ ଛେଚିଥିଲେ । ଖବର ପାଇ ବଳିଆପାଳ ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଲୁଟେରାଙ୍କୁ ମୁର୍ମୁଷ ଅଵସ୍ଥାରେ ଉଦ୍ଧାର କରି ବାଲିଆ ପାଳ ମେଡିକାଲରେ ଭର୍ତ୍ତି କରି ତଦନ୍ତ ଚଳାଇଛି । ଦୁଇ ଯୁବକ ହେଉଛନ୍ତି ବାଲେଶ୍ଵର ହଳଦୀପଦା ଅଞ୍ଚଳର ରଞ୍ଜନ ପରିଡା ଏବଂ ରବି ନାଏକ । ତେବେ ଏହି ଦୁହି ଜଣଙ୍କ ପୂର୍ବରୁ ଜାତୀୟ ରାଜପଥ ଲୁଟ ପାଟ, ବିଭିନ୍ନ ଥାନାରେ ଚୋରି, ରାହାଜାନୀ, ଭଳି ସଙ୍ଗିନ ଅଭିଯୋଗ ଥିବା ଜଣା ପଡ଼ିଛି।