ଦିଲ୍ଲୀରେ ପ୍ରଦୂଷଣ କମ୍ ହେବାରେ ନାଁ ଧରୁନି । ଦିଲ୍ଲୀରେ ଆଜି ୪୦୦ ପାର୍ କରିଛି ଏକ୍ୟୁଆଇ । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (CPCB) ଅନୁଯାୟୀ, ପନ୍ଦରଟି ମନିଟରିଂ ଷ୍ଟେସନ ରିଡିଂ 400 ଅତିକ୍ରମ କରିଥିବା ରିପୋର୍ଟ କରିଛି। ୨୪ ଘଣ୍ଟାର ହାରାହାରି AQI ୪୦୦ ରହିଛି, ଯାହା ସହରକୁ ଲଗାତାର ୧୧ତମ ଦିନ ପାଇଁ ‘ଅତି ଖରାପ’ ବର୍ଗରେ ରଖିଛି। ଜରୁରୀକାଳୀନ ପ୍ରଦୂଷଣ ଉପରେ କଟକଣା କଡ଼ାକଡ଼ି ହେଲେ ମଧ୍ୟ ଦିଲ୍ଲୀ-ଏନସିଆରର କିଛି ସ୍ଥାନରେ AQI 400 ଉପରେ ଦିଲ୍ଲୀର ସମସ୍ତ ମନିଟରିଂ ଷ୍ଟେସନରୁ ପ୍ରକୃତ-ସମୟରେ ବାୟୁ ଗୁଣବତ୍ତା ରିଡିଂ ପ୍ରଦାନ କରୁଥିବା CPCBର ସମୀର ଆପ୍ ସୂଚିତ କରିଛି ଯେ 38ଟି ସକ୍ରିୟ ଷ୍ଟେସନ ମଧ୍ୟରୁ 15 ଟିରେ ‘ଗମ୍ଭୀର’ ବାୟୁ ଗୁଣବତ୍ତା ରେକର୍ଡ କରାଯାଇଛି।
ଏଥି ମଧ୍ୟରେ ଆଇଟିଓ, ପଞ୍ଜାବୀ ବାଗ, ପାଟର୍ଗଞ୍ଜ, ଅଶୋକ ବିହାର, ସୋନିଆ ବିହାର, ରୋହିଣୀ, ବିବେକ ବିହାର, ନରେଲା ଏବଂ ବାୱାନା ଭଳି ସ୍ଥାନ ଅନ୍ତର୍ଭୁକ୍ତ, ଯେଉଁଠାରେ AQI ସ୍ତର 400 ରୁ ଅଧିକ ହୋଇଥିଲା। ଘନ କୁହୁଡି ଓ ଥଣ୍ଡାରେ ଜବଜୀବନ ଅସ୍ତବ୍ୟସ୍ତ ହୋଇପଡିଛି । ଦେଶର ଉତ୍ତରାଞ୍ଚଳର ଅଧିକାଂଶ ଅଞ୍ଚଳ ବର୍ତ୍ତମାନ କୁହୁଡ଼ିରେ ଆଚ୍ଛାଦିତ ରହିଛି । ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳର ପରିସ୍ଥିତି ଭୟଙ୍କର । ଘନ କୁହୁଡ଼ି ଏବଂ ପ୍ରଦୂଷଣ ଯୋଗୁଁ ୟେଲୋ ଆଲର୍ଟ ଜାରି କରାଯାଇଛି । ଦିଲ୍ଲୀର ୧୪ଟି ଅଞ୍ଚଳରେ AQI ୪୦୦ ଉପରେ ପହଞ୍ଚିଛିଲା, ଯାହା ବାୟୁ ଗୁଣବତ୍ତାକୁ ଅତ୍ୟନ୍ତ ଖରାପ ବର୍ଗରେ ରହିଛି । ପାଟପରଗଞ୍ଜରେ AQI ୪୭୦ ରେକର୍ଡ କରାଯାଇଛି । ଦିଲ୍ଲୀରେ ଧୀର ପବନ ଏବଂ ଘନ କୁହୁଡ଼ି ପ୍ରଦୂଷଣକୁ ଆହୁରି ଖରାପ କରୁଛି । ଭାରତୀୟ ପାଣିପାଗ ବିଭାଗ ଅନୁଯାୟୀ, ଆଗାମୀ ତିନି ଦିନ ପର୍ଯ୍ୟନ୍ତ ଘନ କୁହୁଡ଼ି ଲାଗି ରହିବେ । ଅନେକ ସ୍ଥାନରେ ଦୃଶ୍ୟମାନତା ୧୦୦ ମିଟରରୁ କମ୍ ରହିବ । ଏହା ସିଧାସଳଖ ସଡ଼କ, ରେଳ ଏବଂ ବିମାନ ଚଳାଚଳ ସହିତ ସାଧାରଣ ଜୀବନଯାତ୍ରାକୁ ପ୍ରଭାବିତ କରୁଛି ।
