(ମରକ୍କୋ) : ଆଖି ଲିଭାଇ ଦେଇଛି ମରକ୍କୋରେ ଭୂକମ୍ପ । ରିକ୍ଟର ସ୍କେଲରେ ତୀବ୍ରତା ୬.୮ ହୋଇଥିବା ବେଳେ ଭୂକମ୍ପରେ ବର୍ତ୍ତମାନ ସୁଦ୍ଧା ୨୯୬ ଜଣଙ୍କର ମୃତ୍ୟୁ ହୋଇଥିବା କଥା ପୁରା ବିଶ୍ୱବାସୀଙ୍କୁ ଚକିତ କରିଦେଇଛି ।
ସୂଚନାନୁଯାୟୀ , ଭୂକମ୍ପରେ ଥରିଲା ବଡ଼ ବଡ଼ କୋଠା । ଲୋକେ ଭୟରେ ଘରୁ ବାହାରି ରାସ୍ତାରେ ବୁଲିଲେ । ଶୁକ୍ରବାର ବିଳମ୍ବିତ ରାତିରେ ମରକ୍କୋରେ ଭୟଙ୍କର ଭୂକମ୍ପ ଅନୁଭୂତ ହୋଇଥିଲା। ଏହି ଭୂକମ୍ପର ତୀବ୍ରତା ରିଚ୍ଟର ସ୍କେଲରେ ୬.୮ ରହିଛି । ଭୂକମ୍ପ ଯୋଗୁଁ ଏପର୍ଯ୍ୟନ୍ତ ଅତି କମରେ ୨୯୬ ଜଣଙ୍କର ମୃତ୍ୟୁ ହୋଇଥିବାବେଳେ ୧୬୩ ଜଣ ଆହତ ହୋଇଛନ୍ତି । କିଛି ସମୟ ପରେ, ଏହି ସ୍ଥାନଗୁଡିକରେ ଭୂକମ୍ପର ପର ସ୍ଥିତି ମଧ୍ୟ ଅନୁଭୂତ ହୋଇଥିଲା, ଯାହାର ତୀବ୍ରତା ୪.୯ ରେ ମାପ କରାଯାଇଥିଲା । ଏହି ଭୂକମ୍ପରେ ସବୁଠାରୁ ବଡ କ୍ଷତି ସହର ବାହାରେ ଥିବା ପୁରୁଣା ବସ୍ତିରେ ଘଟିଛି ।
