(ଆଣ୍ତାମାନ) : ଭୂକମ୍ପରେ ଥରିଲା ଆଣ୍ତାମାନ ଏବଂ ନିକୋବର ଦ୍ୱୀପପୁଞ୍ଜ । ଗତକାଲି ରାତିରେ ଏହି ଭୂକମ୍ପର ପ୍ରବଳ କମ୍ପନ ଅନୁଭୂତ ହୋଇଥିଲା । ରିଚ୍ଟର ସ୍କେଲରେ ଏହାର ତୀବ୍ରତା ୫ .୮ ରେକର୍ଡ କରାଯାଇଛି । ଏହି ଭୂକମ୍ପର କେନ୍ଦ୍ରସ୍ଥଳ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ୧୦ କିଲୋମିଟର ଗଭୀରରେ ଥିଲା। ତେବେ ଭୂକମ୍ପ ଯୋଗୁଁ ଏପର୍ଯ୍ୟନ୍ତ କୌଣସି କ୍ଷୟକ୍ଷତି ଆକଳନ କରାଯାଇ ନାହିଁ ।
ସୂଚନାନୁଯାୟୀ , ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ରାତି ପ୍ରାୟ ୧୨ .୫୩ ସମୟରେ ଏହି ଶକ୍ତିଶାଳୀ କମ୍ପନ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଏହି ଭୂକମ୍ପ ୫ .୮ ମ୍ୟାଗ୍ନିଚ୍ୟୁଡର ରେକର୍ଡ କରାଯାଇଛି । ଭୂକମ୍ପ ଅନୁଭବ ହେବା ମାତ୍ରେ ଲୋକମାନେ ନିଜ ଘରୁ ବାହାରକୁ ବାହାରି ଆସିଥିଲେ । ଅନ୍ୟପଟେ ଅରୁଣାଚଳ ପ୍ରଦେଶର ସିଆଙ୍ଗରେ ଶୁକ୍ରବାର ସକାଳ ୦୮ .୫୦ ସମୟରେ ଭୂକମ୍ପ ଅନୁଭୂତ ହୋଇଥିଲା । ଅରୁଣାଚଳ ପ୍ରଦେଶରେ ହୋଇଥିବା ଭୂକମ୍ପର ତୀବ୍ରତା ୪ .୦ ରେକର୍ଡ କରାଯାଇଥିଲା ।
