ଅସହାୟ ବ୍ୟକ୍ତିଙ୍କୁ ଉଦ୍ଧାର, ନୀଳାଦ୍ରୀ ନୀଳୟରେ ଥଇଥାନ

(ଜୟନ୍ତ କୁମାର ସେଠୀ/ପୁରୀ): ପୁରୀ ସହରରୁ ଜଣେ ଅସହାୟ ବ୍ୟକ୍ତିଙ୍କୁ ଜିଲ୍ଲାର ସ୍ୱେଚ୍ଛାସେବୀ ସଂଗଠନ ନୀଳାଦ୍ରୀ ନିଳୟର ସଦସ୍ୟମାନେ ଉଦ୍ଧାର କରିଛନ୍ତି । ଅସହାୟ ବ୍ୟକ୍ତିଙ୍କ ନାଁ ପୁରନ ବାର୍ଲା ତାଙ୍କ ଘର ସୁନ୍ଦରଗଡର ଖୁଟଗାଁ ବୋଲି ଜଣାପଡିଛି। ଘରେ ପୁଅ ଓ ତିନି ଝିଅ । ଲକଡାଉନ ସମୟରେ ୧୫ ଦିନ ପାଦରେ ଚାଲି ଚାଲି ଶ୍ରୀକ୍ଷେତ୍ରରେ ପହଞ୍ଚିଥିଲେ । ଖାଇବା, ପିଇବା ଓ ରହିବା ପାଇଁ ପାଖରେ ସମ୍ବଳ ନଥିବାରୁ ମାଗି ଯାଚି ୧୫ ଦିନ ହେବ ପୁରୀରେ ରହୁଥିଲେ । ଆଜି ଡିଆଇଜି କଲୋନୀ ପରିସରରେ ବୁଲୁଥିବା ବେଳେ ନିଳାଦ୍ରୀ ନିଳୟ ସଂଗଠନର ସଦସ୍ୟମାନଙ୍କ ନଜର ତାଙ୍କ ଉପରେ ପଡିଥିଲା । ତାଙ୍କୁ ଉଦ୍ଧାର କରି ଡାକ୍ତରୀ ପରୀକ୍ଷା ପରେ ଚନ୍ଦନପୁରସ୍ଥିତ ନିଳାଦ୍ରୀ ନୀଳୟରେ ଥଇଥାନ କରାଯାଇଛି । ତାଙ୍କୁ ନୂଆ ବସ୍ତ୍ର ପ୍ରଦାନ କରାଯିବା ସହ ଖାଦ୍ୟର ବ୍ୟବସ୍ଥା କରାଯାଇଛି । ପ୍ରଶାସନ ପକ୍ଷରୁ ତାଙ୍କ ପରିବାରକୁ ଯୋଗାଯୋଗ କରାଯାଇଛି ।