ବେଆଇନ ମୋରମ ଟ୍ରକ ଜବତ

(ଜୟନ୍ତ କୁମାର ସେଠୀ/ ଡେଲାଙ୍ଗ): ପୁରୀ ଜିଲ୍ଲା ଡେଲାଙ୍ଗ ଠାରେ ଏକ ବେଆଇନ ମୋରମ ଟ୍ରକ ଜବତ ହୋଇଥିବା ସୁଚନା ମିଳିଛି । ଡେଲାଙ୍ଗ ତହସିଲଦାର ରାଜେନ୍ଦ୍ର ଆଚାରିଆ ବେଆଇନ ଭାବେ ମୋରମ ନେଇକି ଯାଉଥିବା ଏକ ଟ୍ରକକୁ ପିଛା କରି ଥାନା ନିକଟରେ ଅଟକାଇଥିଲେ । ଗାଡି ନଂ ଓଆର, ୦୨, ଏଜେ- ୬୨୩୫ ବୋଲି ଜଣାପଡିଛି । ବେଗୁନିଆପଡା ଅଞ୍ଚଳରୁ ମୋରମ ଆଣିଥିବା ପ୍ରକାଶ କରିଥିଲା । ତହସିଲଦାର ଶ୍ରୀ ଆଚାରିଆ ବେଆଇନ ଭାବେ ମୋରମ ଚାଲାଣ କରିବା ଅଭିଯୋଗରେ ଏକ କେସ ରୁଜୁ କରିଥିବା ଜଣାପଡିଛି । ଥାନାରେ ଗାଡିସହିତ ଗାଡି ଚାଳକ ଅଟକ ରହିଛି ।