ମୁମ୍ବାଇରେ ଆୟକର ଚଢାଉ

ମୁମ୍ବାଇ: ଆୟକର ବିଭାଗ ପକ୍ଷରୁ ଅଗଷ୍ଟ ୧ ତାରିଖରୁ ୮ ତାରିଖ ମଧ୍ୟରେ ମହାରାଷ୍ଟ୍ରର ଏକ ଇସ୍ପାତ, କପଡା, ରିଏଲ ଇଷ୍ଟେଟ ବ୍ୟବୟାୟୀଙ୍କ ଘରେ ଚଢାଉ କରିଥିଲା । ଆୟକର ବିଭାଗର ନାସିକ ୱିଙ୍ଗ ଅଗଷ୍ଟ ପ୍ରଥମ ସପ୍ତାହରେ ଜଲନା ଏବଂ ଔରଙ୍ଗାବାଦ ସହରରେ ଜଣେ ଶିଳ୍ପପତିଙ୍କ ଅଫିସ ଓ ବାସଭବନରେ ଚଢାଉ କରାଯାଇଥିଲା । ଆୟକର ବିଭାଗର ସୂଚନା ଅନୁସାରେ ୩୯୦ କୋଟି ଟଙ୍କାର ସମ୍ପତ୍ତି, ୫୮ କୋଟି ଟଙ୍କାର ନଦଗ ଅର୍ଥ ଏବଂ ୩୨ କିଲୋ ସୁନା ଜବତ କରାଯାଇଛି । ଜବତ ହୋଇଥିବା ନଗଦ ଅର୍ଥକୁ ଗଣିବା ପାଇଁ ଆୟକର ବିଭାଗକୁ ୧୩ ଘଣ୍ଟାରୁ ଅଧିକ ସମୟ ଲାଗିଥିଲା । ଏହି ପ୍ରକ୍ରିୟାରେ ରାଜ୍ୟର ୨୬୦ ଜଣ ଅଧିକାରୀ ଏବଂ କର୍ମଚାରୀ ଜଡିତ ଥିଲେ । ଏହି ସମସ୍ତ ଅଧିକାରୀ ଜଡିତ ଥିଲେ । ଏହି ଦଳକୁ ୫ ଭାଗରେ ବିଭକ୍ତ କରାଯାଇଥିଲା । ସେମାନେ ଭାଗ ଭାଗ ହୋଇ ଶିଳ୍ପପତି ଓ ବ୍ୟବସାୟୀଙ୍କ ଘରେ ରେଡ କରିଥିଲେ । ଜୁଲାଇ ଶେଷ ସପ୍ତାହରେ ଇଡି ପକ୍ଷରୁ ପଶ୍ଚିମବଙ୍ଗର ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସହଯୋଗୀ ଅର୍ପିତା ମୁଖାର୍ଜୀଙ୍କ ଘରେ ଚଢାଉ କରାଯାଇଥିଲା । ତାଙ୍କ ଘରୁ ପୁଳା ପୁଳା ନଗଦ ଅର୍ଥ ଜବତ କରାଯାଇଥିଲା । ଯାହା ଖବରର ଶିରୋନାମାରେ ରହିଥିଲା । ପଶ୍ଚିମବଙ୍ଗରେ ଶିକ୍ଷକ ଦୁର୍ନୀତି ନେଇ ଇଡି ପକ୍ଷରୁ ଚଢାଉ କରାଯାଇଥିଲା । ବର୍ତ୍ତମାନ ପାର୍ଥ ଚାର୍ଟାଜୀ ଓ ଅର୍ପିତା ମୁଖାର୍ଜୀ ଜେଲରେ ରହିଛନ୍ତି ।