ଟି୨୦ ବିଶ୍ୱକପରେ ଗୁରୁବାର ଭାରତ ନିଜର ଦ୍ୱିତୀୟ ମୁକାବିଲା ନାମିବ୍ୟା ବିପକ୍ଷରେ ଖେଳିବ । ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଭାରତ ଏବଂ ନାମିବିୟା ମଧ୍ୟରେ ଖେଳାଯିବ ମ୍ୟାଚ୍ । ଚଳିତ ବିଶ୍ବକପ୍ରେ ନାମିବ୍ୟା ଅନ୍ୟତମ ଦୁର୍ବଳ ଦଳ। ତେବେ ଟ୍ବେଣ୍ଟି୨୦ କ୍ରିକେଟ୍ରେ କୌଣସି ଦଳକୁ ଦୁର୍ବଳ ମଣିବା ଘାତକ ହୋଇପାରେ; ତା’ର ଉଦାହରଣ ଭାରତ ପ୍ରଥମ ମ୍ୟାଚ୍ରେ ପାଇସାରିଛି । ପ୍ରଥମ ମୁକାବିଲାରେ ଭାରତ ଆମେରିକାକୁ ପରାସ୍ତ କରିଥିଲା ।
ତେବେ ମ୍ୟାଚ୍ ପୂର୍ବରୁ ଭାରତୀୟ ଟିମର ଟେନସନ ବଢିଛି । ଅଭିଷେକ ଶର୍ମା ଅସୁସ୍ଥ ଥିବା ଯୋଗୁଁ ସଂପୂର୍ଣ୍ଣ ଫିଟ୍ ହୋଇନାହାନ୍ତି । ତେଣୁ ଆଜି ଅଭିଷେକଙ୍କ ସ୍ଥାନ ସଂଜୁ ସାମସନ ଖେଳିବେ । ଅଭିଷେକଙ୍କୁ ସୋମବାର ହସ୍ପିଟାଲରେ ଭର୍ତ୍ତି କରାଯାଇଥିଲା । ଆମେରିକା ବିପକ୍ଷ ମୁକାବିଲାରେ ଜସପ୍ରୀତ ବୁମରାଙ୍କୁ ସୁଯୋଗ ମିଳିନଥିଲା । ଏବେ କିନ୍ତୁ ସେ ପୁରା ଫିଟ୍ ଅଛନ୍ତି ଏବଂ ମଙ୍ଗଳବାର ଓ ବୁଧବାର ସେ ଘଣ୍ଟା ଘଣ୍ଟା ଧରି ନେଟ୍ସ ପ୍ରାକ୍ଟିସ କରିଛନ୍ତି । ତେଣୁ ନାମିବ୍ୟା ବିପକ୍ଷରେ ବୁମରା ଖେଳିବା ନିଶ୍ଚିତ । ଆଉ ଯଦି ବୁମରା ସୁଯୋଗ ପାଆନ୍ତି ତେବେ ମହମ୍ମଦ ସିରାଜ୍ ବାଦ୍ ପଡିବେ ।
ଆମେରିକା ବିପକ୍ଷ ମ୍ୟାଚରେ ଅଧିନାୟକ ସୂର୍ଯ୍ୟ କୁମାର ଯାଦବଙ୍କ ବ୍ୟତୀତ ଅନ୍ୟ କୌଣସି ବ୍ୟାଟର ଭଲ ପ୍ରଦର୍ଶନ କରିପାରିନଥିଲେ । ସୂର୍ଯ୍ୟକୁମାର ଦଳରେ ସନ୍ତୁଳନ ରକ୍ଷା କରିବାକୁ ତିନି ଜଣ ଅଲରାଉଣ୍ଡରଙ୍କ ସହ ପଡିଆକୁ ଓହ୍ଲାଇପାରେ । ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ ଏବଂ ଅକ୍ଷର ପଟେଲ ମ୍ୟାଚରେ ଖେଳିବେ ।
