(ଦିଲ୍ଲୀ) : ନିଲାମ ହେଲା ପ୍ରଖ୍ୟାତ ପପ୍ଷ୍ଟାର୍ ମାଇକେଲ୍ ଜ୍ୟାକ୍ସନ୍ ପିନ୍ଧୁଥିବା ଜ୍ୟାକେଟ୍ । ଗୋଟାଏ କଳା-ଧଳା ଚମଡ଼ା ଜ୍ୟାକେଟ୍କୁ ସମ୍ପ୍ରତି ଲଣ୍ଡନ୍ରେ ୩୦୬,୦୦୦ ଡଲାର୍ ବା ଭାରତୀୟ ମୁଦ୍ରାରେ ୨.୫ କୋଟି ଟଙ୍କାର ନିଲାମ କରାଯାଇଥିବା କଥା ସୂଚନା ମିଳିଛି ।
ସୂଚନାନୁଯାୟୀ , ଦୀର୍ଘ ୪୦ ବର୍ଷ ତଳେ ୧୯୮୪ ମସିହାରେ ‘ପେପ୍ସି’ର ଏକ ବିଜ୍ଞାପନରେ ଜ୍ୟାକ୍ସନ୍ ଏହି ଜ୍ୟାକେଟ୍ ପିନ୍ଧିଥିଲେ। ଲଣ୍ଡନ୍ରେ ଏହି ଜ୍ୟାକେଟ୍ ନିଲାମ ଚାଲିଥିବା ବେଳେ ତାଙ୍କର ବହୁ ପ୍ରଶଂସକ ଓ ତଥ୍ୟ ସଂଗ୍ରାହକ ସମବେତ ହୋଇଥିଲେ ବୋଲି ଉକ୍ତ ରିପୋର୍ଟରେ ଉଲ୍ଲେଖ ଅଛି। ୧୯୮୪ରେ ପ୍ରଥମ ସିରିଜ୍ ‘ପେପ୍ସି’ ବିଜ୍ଞାପନ ସୁଟିଙ୍ଗ୍ ବେଳେ ଜ୍ୟାକ୍ସନ୍ ଉକ୍ତ କଳା-ଧଳା ଚମଡ଼ା ଜ୍ୟାକେଟ୍ ପିନ୍ଧିଥିଲେ। ୨୦୦୯ରେ ୫୦ ବର୍ଷ ବୟସ ହୋଇଥିବା ବେଳେ ‘କିଙ୍ଗ୍ ଅଫ୍ ପପ୍’ ଭାବେ ବିବେଚିତ ମାଇକେଲ୍ ଜ୍ୟାକ୍ସନ୍ଙ୍କର ‘ଏକ୍ୟୁଟ୍ ପ୍ରୋପୋଫୋଲ୍ ଇଣ୍ଟୋକ୍ସିକେସନ୍’ ବ୍ୟବହାରଜନିତ ହୃଦ୍ଘାତ କାରଣରୁ ମୃତ୍ୟୁ ଘଟିଥିଲା।
