ଭୁବନେଶ୍ୱର: ଜୁନିଅର ଆସିଷ୍ଟାଣ୍ଟ ପଦବୀର ନିଯୁକ୍ତି ପାଇଁ ସ୍କିଲ ଟେଷ୍ଟ ତାରିଖ ଓ ବିବରଣୀ ପ୍ରକାଶ ପାଇଛି । ଚଳିତ ମାସ ୩୧କୁ ପରୀକ୍ଷା ତାରିଖ ଘୋଷଣା କରାଯାଇଛି । ଓପିଏସ୍ସି ନିଜ ୱେବ୍ସାଇଟ୍ରେ ଏହି ସୂଚନା ପ୍ରକାଶ କରିଛି। ଭୁବନେଶ୍ୱର ଫୁଲନଖରାସ୍ଥିତ ପ୍ରାଚୀବିହାରର ଇଷ୍ଟ୍ କଲେଜ୍କୁ ପରୀକ୍ଷା କେନ୍ଦ୍ର ଭାବେ ଓପିଏସ୍ସି ସ୍ଥିର କରିଛି । ପରୀକ୍ଷା ପାଇଁ ରିପୋର୍ଟିଂ ସମୟ ସକାଳ ୯ଟା ରଖାଯାଇଛି।
ଲିଖିତ ପରୀକ୍ଷାରେ କୃତକାର୍ୟ୍ୟ ହୋଇଥିବା ୬୬ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୪୮ ଜଣ ଭୁବନେଶ୍ବର ଜୋନ୍ରୁ ଚୟନ ହୋଇଥିବା ବେଳେ ୧୨ ଜଣ କଟକ, ୫ ଜଣ ସମ୍ବଲପୁର ଓ ଜଣେ ବାଲେଶ୍ବର ଜୋନ୍ରୁ ପରୀକ୍ଷା ପାଇଁ ମନୋନୀତ ହୋଇଛନ୍ତି । ତେବେ ଲକଡାଉନ ମଧ୍ୟରେ ପରୀକ୍ଷା ଦିନ ଧାର୍ଯ୍ୟ କରାଯାଇଥିବାରୁ ପରୀକ୍ଷାର୍ଥୀଙ୍କ ମଧ୍ୟରେ ଚିନ୍ତା ବଢିଯାଇଛି ।
ମେ ୩୧ରେ ଓପିଏସସି ସ୍କିଲ ଟେଷ୍ଟ
