(ଶିମିଳିପାଳ) : ଶିମିଳିପାଳର ଘଞ୍ଚ ଜଙ୍ଗଲ ମଧ୍ୟରେ ବାଘୁଣୀଟିଏ ତାର ୪ଟି ଛୁଆକୁ ଧରି ଘୁରି ବୁଲୁଥିବାର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶିମିଳିପାଳ ବ୍ୟାଘ୍ର ପ୍ରକଳ୍ପ ଦକ୍ଷିଣ ଡିଭିଜନ ପକ୍ଷରୁ ଏକ ମିନିଟ ୫୨ସେକେଣ୍ଡର ଏକ ଭିଡିଓ ଫୁଟେଜ ଏନଟିସିଏ, ପିସିସିଏଫ୍ ଓଡ଼ିଶାଙ୍କ ସମେତ ଦୁଇଜଣ ଆଇଏଏଫଏସ ଅଫିସରଙ୍କୁ ଟୁଇଟ କରାଯିବା ପରେ ଏହାକୁ ବହୁଳ ମାତ୍ରାରେ ବନ୍ୟପ୍ରାଣୀ ପ୍ରେମୀଙ୍କ ପକ୍ଷରୁ ପ୍ରଶଂସା କରାଯାଇଛି ।
ସୂଚନାନୁଯାୟୀ , ଶିମିଳିପାଳରେ ୨୦୧୮ରେ ମାତ୍ର ୮ଟି ବାଘ ଥିବା ନେଇ ସୂଚନା ଦିଆଯାଇଥିବା ବେଳେ ୨୦୨୨ରେ ଏହି ସଂଖ୍ୟା ୧୬କୁ ବୃଦ୍ଧି ପାଇଥିବା କୁହାଯାଇଛି । ଆସନ୍ତା ୧୪ରେ ଶିମିଳିପାଳ ପର୍ଯ୍ୟଟକଙ୍କ ନିମନ୍ତେ ଖୋଲାଯିବାକୁ ଥିବା ବେଳେ ଏଭଳି ଖବର ନିଶ୍ଚିତ ଭାବେ ପର୍ଯ୍ୟଟକଙ୍କୁ ଶିମିଳିପାଳ ଆସିବା ପାଇଁ ବାଧ୍ୟ କରିବ ।
