(ମଧ୍ୟପ୍ରଦେଶ) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ମଧ୍ୟପ୍ରଦେଶର ଇନ୍ଦୋର ଠାରେ ଏକ ରୋଡ୍ ଶୋରେ ଯୋଗ ଦେବାକୁ ଯାଉଛନ୍ତି । ୧୭ ନଭେମ୍ବରରେ ରାଜ୍ୟରେ ମତଦାନ ରହିଛି, ତେଣୁ ଭାରତୀୟ ଜନତା ଦଳ ନିଜ ବିଜୟ ପାଇଁ ସମ୍ପୂର୍ଣ୍ଣ ଶକ୍ତି ଲଗାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଦାୟିତ୍ୱ ଗ୍ରହଣ କରି ମୈଇଦାନରେ ଓହ୍ଲାଇଛନ୍ତି ।
ସୂଚନାନୁଯାୟୀ , ଆଜି ପ୍ରଧାନମନ୍ତ୍ରୀ ମୋଦୀଙ୍କ ରୋଡ୍ ଶୋ ଗଣପତି ଛକରୁ ଆରମ୍ଭ ହୋଇ ରାଜବାଡା ଛକରେ ଶେଷ ହେବ। 2018 ବିଧାନସଭା ନିର୍ବାଚନରେ ବିଜେପି ଇନ୍ଦୋର ସହରାଞ୍ଚଳର ୫ଟି ସିଟ୍ ମଧ୍ୟରୁ ୪ଟି ଜିତିଥିଲା। ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସଭାପତି ଜେ.ପି ନଡ୍ଡା ମଧ୍ୟ ଆଜି ମଧ୍ୟପ୍ରଦେଶରେ ଏକ ନିର୍ବାଚନୀ ରାଲି କରିବେ। ସେ ରତ୍ଲାମ, ରସେନ୍ ଏବଂ ନରସିଂହପୁରରେ ପ୍ରଚାର କରିବେ। ଜେ.ପି ନଡ୍ଡା ଏହି ସମୟ ମଧ୍ୟରେ ତିନୋଟି ସାଧାରଣ ସଭାକୁ ସମ୍ବୋଧିତ କରିବେ ।
