ଚଳନ୍ତା ଟ୍ରେନରେ ସନ୍ତାନ ପ୍ରସବ କଲେ ମହିଳା

ବଲାଙ୍ଗୀର: ଚଳନ୍ତା ଟ୍ରେନରେ ମହିଳା ଜଣଙ୍କ ସନ୍ତାନ ପ୍ରସବ କରିଛନ୍ତି। ଏଭଳି ଏକ ନିଆରା ଦୃଶ୍ୟ ବଲାଙ୍ଗୀର ରେଳ ଷ୍ଟେସନରେ ଦେଖିବାକୁ ମିଳିଛି। ମହିଳା ଜଣଙ୍କ ଚିକିତ୍ସା ଲାଗି କୋରାପୁଟ-ରାଉରକେଲା ଏକ୍ସପ୍ରେସରେ ବୁର୍ଲା ବଡ ମେଡିକାଲକୁ ଚିକିତ୍ସା ଲାଗି ଯାଉଥିଲେ। ହେଲେ ଟ୍ରେନରେ ଯାତ୍ରା କରୁଥିବା ସମୟରେ ମହିଳାଙ୍କର ଗର୍ଭ ଯନ୍ତ୍ରଣା ହୋଇଥିଲା। ଶେଷରେ ଟ୍ରେନ ମଧ୍ୟରେ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ। ଏଥିପାଇଁ ବଲାଙ୍ଗୀର ଷ୍ଟେସନରେ ଟ୍ରେନଟି ଅଟକି ରହିଥିଲା। ଅରପିଏଫ ଯବାନମାନେ ମହିଳାଙ୍କୁ ପ୍ରାରମ୍ଭିକ ଚିକିତ୍ସା ଯୋଗାଇଦେଇଥିଲେ। ଟ୍ରେନକୁ ଅଟକାଇ ୧୦୮ ଯୋଗେ ମହିଳା ଓ ନବଜାତକ ଶିଶୁକୁ ମେଡିକାଲରେ ଭର୍ତ୍ତି କରାଯାଇଥିଲା। ତେବେ ମାଆ ଓ ଛୁଆ ଉଭୟେ ସୁସ୍ଥ ଥିବା ଜଣାପଡିଛି। ଏଥିପାଇଁ ଆରପିଏଫ ଯବାନମାନଙ୍କୁ ସାଧାରଣରେ ଉଚ୍ଚ ପ୍ରସଂଶା କରାଯାଇଛି।