ଜୟନ୍ତ ସେଠୀ/ ଗୋପ: ପୁରୀ ଜିଲ୍ଲା କଣାସ ବ୍ଲକ ଜଙ୍କିଆ ମର୍ଦ୍ଧାପଲ୍ଲୀ ଛକରେ ଥିବା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଏଟିଏମକୁ ଗତକାଲି ବିଳମ୍ବିତ ରାତିରେ ଲୁଟ କରିବାକୁ ଉଦ୍ୟମ ହୋଇଥିଲା । ଏଟିଏମକୁ ଦୁର୍ବୃତ୍ତମାନେ ସମ୍ପୃଣ୍ଣ ଭାବେ ଭାଙ୍ଗି ଦେଇଥିବା ନେଇ କଣାସ ଷ୍ଟେଟ ବ୍ୟାଙ୍କ ଶାଖା ପକ୍ଷରୁ ଥାନାରେ ଅଭିଯୋଗ ହୋଇଛି । ଲୁଟ ପାଇଁ ଦୁର୍ବୃତ୍ତମାନେ ଏଟିଏମ ମେସିନ, ସିସି କ୍ୟାମେରା ଭାଙ୍ଗିଦେବ।। ସହ ବିଦ୍ୟୁତ ସଂଯୋଗ କଟିଥିବା ଜଣାପଡିଛି । କରୋନା ଭୂତାଣୁ ଯୋଗୁ ଲକଡାଉନ ଘୋଷଣା କରାଯାଇଛି । ବ୍ୟାଙ୍କରେ ଲୋକମାନେ ଭିଡ ନ ଜମାଇବା ପାଇଁ ଓ ଜନସାଧାରଣଙ୍କ ସୁବିଧା ପାଇଁ ସରକାରଙ୍କ ପକ୍ଷରୁ ସବୁ ବ୍ୟାଙ୍କ ଏଟିଏମରେ ଟଙ୍କା ମହଜୁଦ ରଖିବା ପାଇଁ ନିର୍ଦ୍ଦେଶ ଦିଆଯାଇଛି ।ଏହାର ସୁଯୋଗ ନେଇ କେତେକ ଦୁର୍ବୃତ୍ତ ବ୍ୟାଙ୍କ ଏଟିଏମକୁ ଭାଙ୍ଗି ଟଙ୍କା ଲୁଟ କରିବା ପଇଁ ଯାଇଥିଲେ । ତେବେ ଏଟିଏମରୁ ଟଙ୍କା ଲୁଟ କରିବାରେ ଦୁର୍ବୃତ୍ତମାନେ ସଫଳ ହୋଇଛନ୍ତି କି ନାହିଁ ତାହା ତଦନ୍ତ ପରେ ଜଣାପଡିବ ବୋଲି ପୋଲିସ ପକ୍ଷରୁ କୁହାଯାଇଛି
ଟଙ୍କା ଲୁଟ ପାଇଁ ଏଟିଏମ ଭାଙ୍ଗିଲେ ଦୁର୍ବୃତ୍ତ
