(ମହାଭାରତ, ହିଞ୍ଜିଳିକାଟୁ): ତପ୍ତପାଣି ଘାଟି ଠାରେ ଏକ ପିକନିକ୍ ବସ୍ ଗୋଟିଏ ବାଇକ୍କୁ ଧକ୍କା ଦେବା ଫଳରେ ବସର ଡ୍ରାଇଭର ଭାରସାମ୍ୟ ହରାଇଥିବାରୁ ଏହା ଓଲଟି ପଡିଥିବା ଜଣାଯାଇଛି । ଘଟଣାସ୍ଥଳରେ ବାଇକ୍ ଚାଳକଙ୍କର ମୃତ୍ୟୁ ହୋଇଥିବା ବେଳେ ବସ୍ରେ ଥିବା ୩୦ ଜଣ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୮ଜଣଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି ।
ସୂଚନା ଅନୁଯାୟୀ, ନାୟାଗଡରୁ ଚନ୍ଦ୍ରଗିରି ନିକଟରେ ଥିବା ଖସଡାକୁ ପିକ୍ନିକ୍ ପାଇଁ ଆସିଥିବା କିଛି ଯାତ୍ରୀ ଏକ ମିନିବସ ଯୋଗେ ପୁଣି ନୟାଗଡକୁ ଫେରୁଥିବା ବେଳେ ତପ୍ତପାଣି ଘାଟି ଠାରେ ଏକ ବାଇକ୍ ସହ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ବାଇକ୍ ଆରୋହୀ ପ୍ରାଣ ହରାଇଥିବା ବେଳେ ବସ୍ ଡ୍ରାଇଭର ଭାରସାମ୍ୟ ହରାଇବାରୁ ଗାଡି ଓଲଟି ପଡି ଦୁର୍ଘଟଣାଗ୍ରସ୍ତ ହୋଇଥିଲା । ବସ୍ ଡ୍ରାଇଭର ଦୁର୍ଘଟଣା ପରେ ଫେରାର ହୋଇଯାଇଛି । ଆହତ ମାନଙ୍କୁ ଉଦ୍ଧାର କରି ଦିଗପହଣ୍ଡି ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
