(ଦିଲ୍ଲୀ) : କ୍ରିକେଟରରୁ ରାଜନେତା ହୋଇଥିବା ଗୌତମ ଗମ୍ଭୀର ରାଜନୀତି ଛାଡିବାକୁ ନିଷ୍ପତ୍ତି ନେଇଛନ୍ତି । ତାଙ୍କୁ ରାଜନୈତିକ ଦାୟିତ୍ଵରୁ ମୁକ୍ତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ମୁଖ୍ୟ ଜେପି ନଡ୍ଡାଙ୍କୁ ଟ୍ୱିଟ କରି ଗମ୍ଭୀର କହିଛନ୍ତି । ଏବେ ଏହା ସ୍ପଷ୍ଟ ହୋଇଛି ଯେ ଗୌତମ ଗମ୍ଭୀର ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ।
ସୂଚନାନୁଯାୟୀ , ଗୌତମ ଗମ୍ଭୀର ବର୍ତ୍ତମାନ ପୂର୍ବ ଦିଲ୍ଲୀର ସାଂସଦ । ଗୌତମ ଗମ୍ଭୀର ଟ୍ୱିଟ୍ କରି କହିଛନ୍ତି ଯେ ମୁଁ ମାନ୍ୟବର ଦଳର ସଭାପତି ଜେପି ନଡ୍ଡାଙ୍କୁ ମୋର ରାଜନୈତିକ କର୍ତ୍ତବ୍ୟରୁ ମୁକ୍ତ କରିବାକୁ ଅନୁରୋଧ କରିଛି ଯାହା ଦ୍ଵାରା ମୁଁ ମୋର ଆଗାମୀ କ୍ରିକେଟ୍ ପ୍ରତିଶ୍ରୁତି ଉପରେ ଧ୍ୟାନ ଦେଇ ପାରିବି । ଗୌତମ ଗମ୍ଭୀର କହିଛନ୍ତି, “ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀ ଏବଂ ମାନ୍ୟବର ଗୃହମନ୍ତ୍ରୀ ଅମିତ ଶାହା ଜୀଙ୍କୁ ମୋତେ ସେବା କରିବାର ସୁଯୋଗ ଦେଇଥିବାରୁ ମୁଁ ତାଙ୍କୁ ଅଶେଷ ଧନ୍ୟବାଦ ଜଣାଉଛି। ଏଥିପାଇଁ ଆପଣଙ୍କୁ ଧନ୍ୟବାଦ।” ଜୟ ହିନ୍ଦ! ”
