ଜଳେଶ୍ୱର/ ଅଜିତ ସାହୁ: ଜଳେଶ୍ଵର ଥାନା, ଝାଡଶ୍ୱରପୁର ବସ୍ତି ଅଞ୍ଚଳରେ ଥିବା ହୋଟେଲ ଡାଇମଣ୍ଡ ଉପରେ ପୋଲିସ ଏବଂ ଅବକାରୀ ବିଭାଗର ମିଳିତ ଚଢ଼ାଉ। ପୃଥକ ପୃଥକ ଭାବେ ୨ କେଜି ୪ ଶହ ଗ୍ରାମର ବ୍ରାଉନ ସୁଗାର ଜବତ ହେବା ସହିତ ,୩ ଜଣକୁ ଗିରଫ କରାଯାଇଛି । ଜବତ ବ୍ରାଉନ ସୁଗାରର ଆନୁମାନିକ ମୂଲ୍ୟ ପ୍ରାୟ ୨ କୋଟି ୪୦ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ। ଅବକାରୀ ବିଭାଗ ୧ କେଜି ୧୨୦ ଗ୍ରାମ ବ୍ରାଉନ ସୁଗାର ଜବତ କରି , ମୁକ୍ତାର ଅଲ୍ଲୀ ଖାନ ନାମକ ଜଣେ ବ୍ୟବସାୟୀ କୁ ଗିରଫ କରିଥିବା ବେଳେ, ଜଳେଶ୍ୱର ପୋଲିସ ୧ କେଜି ୨୮୦ ଗ୍ରାମ ବ୍ରାଉନ ସୁଗାର ଜବଦ କରିବା ସହିତ ୨ ଜଣକୁ ଗିରଫ କରି ପୃଥକ ପୃଥକ ମାମଲା ରୁଜୁକରି ଅଧିକ ତଦନ୍ତ ଜାରି ରଖିଛି। ଏହି ଚଢଉପରେ ୩୫ ଜଣିଆ ଟିମ ନିୟୋଜିତ ଥିଲା ।
