(ନୂର-ସୁଲତାନ): ଶୁକ୍ରବାର ୧୦୦ଜଣ ଯାତ୍ରୀଙ୍କୁ ନେଇ ଯାଉଥିବା କାଜାକସ୍ତାନର ଏକ ବିମାନ ଅଲମାଟି ବିମାନ ବନ୍ଦର ନିକଟରେ ତଳକୁ ଖସି ପଡ଼ି ଦୁର୍ଘଟଣା ଗସ୍ତ ହୋଇଛି । ସ୍ଥାନୀୟ ବିମାନବନ୍ଦର କର୍ତ୍ତୃପକ୍ଷଙ୍କ କହିବା ଅନୁସାରେ,ସକାଳ ୭ଟା ୨୨ ସମୟରେ ଅଲ୍ମାଟି ଆନ୍ତର୍ଜାତିକ ବିମାନବନ୍ଦରରୁ ଉଡ଼ାଣ ଆରମ୍ଭ କରିବା ସମୟରେ ବେକ ଏୟାରର ବିମାନଟି ତଳକୁ ଖସି ଗୋଟାଏ ଦୁଇ ତାଲା କୋଠା ଉପରେ ପଡ଼ିଯାଇଥିଲା । ପାଞ୍ଚ ଜଣ କ୍ରୁ ମେମ୍ବରଙ୍କ ସହ ବିମାନରେ ୯୫ଜଣ ଯାତ୍ରୀ ଥିଲେ ।
ଦୁର୍ଘଟଣା ଯୋଗୁଁ ୧୪ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।ରାଜଡଓାନୀ ନୁର-ସୁଲତାନ ଆଡ଼କୁ ବାହାରିଥିବା ଏହି ବିମାନଟି ଉଡ଼ାଣ ସମୟରେ ଖସି ପଡ଼ି ଗୋଟାଏ କଙ୍କ୍ରିଟ ଦିଆଲକୁ ଭାଙ୍ଗି ଏକ ଛୋଟ କୋଠା ଉପରେ ପଡ଼ିଯାଇଥିଲା ବୋଲି କାଜାକସ୍ତାନର ବେସାମରିକ ବିମାନଚଳାଚଳ କମିଟି ତାର ବିବୃତିରେ କହିଛି । ତେବେ ବିମାନ ଦୁର୍ଘଟଣାର ଯାଂଚ ପାଇଁ ଏକ ବିଶେଷ ଟିମ ଗଠନ କରାଯାଇଛି । ବିମାନ ନିର୍ଦ୍ଧାରଣ ଉଚ୍ଚ ଯାଏଁ ଉଡ଼ାଣ ଭରି ନଥିଲା, ରୋଡ଼ରେ ଫସି ଯାଇଥିଲା । ତେଣୁ ଏହି ଦୁର୍ଘଟଣା ଘଟିଥିବା ଅନୁମାନ କରାଯାଉଛି । ଜରୁରୀକାଳିନ କମିଟି ଅନୁଯାୟୀ ଦୁର୍ଘଟଣାରେ ୧୪ ଜଣଙ୍କର ମୃତ୍ୟୁ ଘଟିଛି ।
