ଟ୍ରକ ଓଲଟି ୫ ପ୍ରବାସୀ ଶ୍ରମିକଙ୍କ ମୃତ୍ୟୁ

ଭୋପାଳ: ଶନିବାର ରାତିରେ ମଧ୍ୟପ୍ରଦେଶର ନରସିଂହପୁର ଜିଲ୍ଲା ଅନ୍ତର୍ଗତ ପଥ ଗ୍ରାମ ପାଖରେ ଏକ ଟ୍ରକ ଓଲଟି ପଡ଼ିବାରୁ ପାଞ୍ଚଜଣ ପ୍ରବାସୀ ଶ୍ରମିକଙ୍କ ପ୍ରାଣ ପ୍ରାଣହାନୀ ହୋଇଛି ଓ ଏଗାର ଜଣ ଆହତ ହୋଇ ଚିକିତ୍ସିତ ଅଛନ୍ତି ।ଦୁଇ ଜଣଙ୍କ ସ୍ୱାସ୍ଥ୍ୟାବସ୍ଥା ସାଂଘାତିକ ରହିଛି ।
ଆମ୍ବ ଭର୍ତ୍ତି ହୋଇଥିବା ‌ଟ୍ରକ୍‌ରେ ସମୁଦାୟ ୧୮ଜଣ ଶ୍ରମିକ ଯାତ୍ରା କରୁଥିଲେ। ପଥ ଗ୍ରାମ ପାଖରେ ଟ୍ରକ୍‌ଟି ଓଲଟି ପଡ଼ିବାରୁ ପାଞ୍ଚଜଣ ଶ୍ରମିକଙ୍କର ମୃତ୍ୟୁ ଘଟିଛି ଓ ଏଗାରଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟେ ଟ୍ରକ ଡ୍ରାଇଭର ଓ ହେଲପର ମଧ୍ୟ ଆହତ ଅଛନ୍ତି ବୋଲି ନରସିଂହପୁର ଜିଲ୍ଲାପାଳ ଦୀପକ ସାକ୍ସେନା କହିଛନ୍ତି । ଏମାନେ ତେଲେଙ୍ଗାନାର ହ୍ରାଇଦ୍ରାବାଦରୁ ଉତ୍ତର ପ୍ରଦେଶର ଆଗ୍ରାକୁ ଯାତ୍ରା କରୁଥିଲେ ।
ଜିଲ୍ଲାପାଳ ସାକ୍‌ସେନା ଆହୁରି କହିଛନ୍ତି ଯେ ଆମ୍ବ ଟ୍ରକ୍‌ରେ ଶ୍ରମିକମାନେ ତେଲେଙ୍ଗାନାର ହାଇଦ୍ରାବାଦରୁ ଉତ୍ତର ପ୍ରଦେଶର ଆଗ୍ରାକୁ ଯାଉଥିଲେ।