(ଦିଲ୍ଲୀ) : ୟୁକ୍ରେନରେ ରହୁଥିବା ଭାରତୀୟଙ୍କୁ ଆତଙ୍କିତ ନ ହେବାକୁ ପରାମର୍ଶ ଦେଇଛନ୍ତି ଭାରତ ସରକାର। ସମସ୍ତ ଭାରତୀୟଙ୍କୁ ସ୍ୱଦେଶ ଫେରାଇ ଆଣିବା ପାଇଁ ଅଧିକ ସଂଖ୍ୟକ ବିମାନ ପଠାଇବାକୁ ଯୋଜନା କରାଯାଇଛି ବୋଲି ସରକାରଙ୍କ ପକ୍ଷରୁ କୁହାଯାଇଛି।
ସୂଚନାନୁଯାୟୀ , ରୁଷ ସୀମାନ୍ତ ଅଞ୍ଚଳରେ ବିପୁଳ ସଂଖ୍ୟାରେ ଯୁଦ୍ଧାସ୍ତ୍ର ଓ ଯବାନ ମୁତୟନ କରିଛି। ଯେକୌଣସି ମୁହୂର୍ତ୍ତରେ ରୁଷ ଆକ୍ରମଣ କରିବାର ସମ୍ଭାବନା ଥିବାରୁ ଭାରତ ସରକାର ନିଜ ଦେଶର ନାଗରିକ ଓ ଶିକ୍ଷାର୍ଥୀମାନଙ୍କୁ ସ୍ୱଦେଶ ଫେରି ଆସିବାକୁ କହିଛନ୍ତି। ଏହାକୁ ନେଇ ସେମାନେ ଆତଙ୍କିତ ହୋଇଛନ୍ତି ଓ ବିମାନ ଟିକେଟ ନ ମିଳିବାରୁ ଚିନ୍ତାରେ ରହିଛନ୍ତି। ଏନେଇ ଖବର ମିଳିବା ପରେ ଭାରତ ସରକାର ସମସ୍ତଙ୍କୁ ଆଶ୍ୱସ୍ତ ରହିବାକୁ ପରାମର୍ଶ ଦେଇଛନ୍ତି।
