ରଣେନ୍ଦ୍ର ପ୍ରତାପ ସ୍ୱାଇଁ ଟ୍ୱିଟ୍ କରି ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି

ଭୁବନେଶ୍ୱର : ନୂଆ ମନ୍ତ୍ରୀମଣ୍ଡଳରେ ସ୍ଥାନ ପାଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଲେ ରଣେନ୍ଦ୍ର ପ୍ରତାପ ସ୍ୱାଇଁ। ରାଜ୍ୟ ମନ୍ତ୍ରୀ ମଣ୍ଡଳରେ ବଡଧରଣର ପରିବର୍ତ୍ତନ ହୋଇଛି । ବିବାଦୀୟ ମନ୍ତ୍ରୀଙ୍କୁ ବାଦ ଦେଇ ନୂଆ ଚେହେରାଙ୍କୁ ସୁଯୋଗ ମିଳିଛି । ଯେଉଁମାନେ ଦାୟିତ୍ୱରେ ରହି ଦଳ ପାଇଁ ଭଲ କାମ କରିଛନ୍ତି, ଭଲ ପ୍ରଦର୍ଶନ କରିଛନ୍ତି ସେମାନଙ୍କ ଉପରେ ପୁଣି ଆସ୍ଥା ଜତାଇଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ । ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ଉପରେ ପୁଣି ଆସ୍ଥା ଜତାଇଛନ୍ତି ମୁଖ୍ୟମନ୍ତ୍ରୀ । ଯାହାକୁ ନେଇ ଟ୍ୱିଟ୍ କରି ଧନ୍ୟବାଦ ଜଣାଇଛନ୍ତି ରଣେନ୍ଦ୍ର ପ୍ରତାପ ସ୍ୱାଇଁ ।
ସେ ଟ୍ୱିଟ୍ କରି ଲେଖିଛନ୍ତି , ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୋ ଉପରେ ପୁନର୍ବାର ଆସ୍ଥା ଜତାଇବା ଓ ନୂତନ ଭାବେ ଗଠିତ ମନ୍ତ୍ରୀ ମଣ୍ଡଳରେ ମୋତେ ସ୍ଥାନ ଦେଇଥିବାରୁ ତାଙ୍କୁ ମୁଁ ସ ହୃଦୟ ଧନ୍ୟବାଦ ଜଣାଉଛି । ଧନ୍ୟବାଦ ଜଣାଇବା ସହ ଆହୁରି ମଧ୍ୟ ଲେଖିଛନ୍ତି, ମୁଖ୍ୟମନ୍ତ୍ରୀଙ୍କ ମୋ ଉପରେ ଥିବା ଆଶା ଓ ବିଶ୍ୱାସକୁ ଅତୁଟ ରଖିବା ପାଇଁ ମୁଁ ସଦା ସର୍ବଦା ଚେଷ୍ଟା କରିବି । ତା ସହ ଓଡିଶାବାସୀଙ୍କ ପାଇଁ ସେବା କରିବା ପାଇଁ ନୂତନ ଉଦ୍ୟମ କରିବେ ବୋଲି ଏମିତି କିଛି ଟ୍ୱିଟ୍ କରି ଲେଖିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ।