(ମୁମ୍ବାଇ) : ଫିଲ୍ମ ‘ଆଦିପୁରୁଷ’କୁ ସବୁଆଡୁ ବିରୋଧ ପରେ କ୍ଷମା ମାଗିଛନ୍ତି ଲେଖକ କାହାଣୀରେ ଜନସାଧାରଣଙ୍କ ଭାବାବେଗକୁ ଆଘାତ ଦେଇଥିବାରୁ ଏହାର ଲେଖକ ମନୋଜ ମୁନ୍ତଶିର୍ ଆଜି ଯୋଡ଼ହସ୍ତରେ କ୍ଷମା ପ୍ରାର୍ଥନା କରିଛନ୍ତି।
ଟୁଇଟ୍ କରି ସେ ଲେଖିଛନ୍ତି: ଆଦିପୁରୁଷ ଯୋଗୁଁ ଜନତାଙ୍କ ଭାବାବେଗ ଆହତ ହୋଇଥିବା କଥା ମୁଁ ସ୍ବୀକାର କରୁଛି। ମୋର ସମସ୍ତ ଭାଇଭଉଣୀ, ବୟୋଜ୍ୟେଷ୍ଠ, ପୂଜ୍ୟ ସାଧୁସନ୍ଥ ଏବଂ ଶ୍ରୀରାମଙ୍କ ଭକ୍ତମାନଙ୍କୁ ଯୋଡ଼ହସ୍ତରେ ନିସର୍ତ୍ତ କ୍ଷମା ପ୍ରାର୍ଥନା କରୁଛି। ଏକ ଓ ଅଭିନ୍ନ ରହି ଆମ ପବିତ୍ର ସନାତନ ଓ ମହାନ୍ ଦେଶର ସେବା କରିବା ଲାଗି ଭଗବାନ ବଜରଙ୍ଗ ବଳୀ ଆମ ସମସ୍ତଙ୍କ ପ୍ରତି କୃପା କରନ୍ତୁ।
ସୂଚନାନୁଯାୟୀ , ଜୁନ୍ ୧୬ ତାରିଖରେ ପ୍ରେକ୍ଷାଳୟରେ ରିଲିଜ୍ ହେବା ପରଠାରୁ ଏହାର ନିକୃଷ୍ଟ ଧରଣର ସଂଳାପକୁ ନେଇ ଜନ ଅସନ୍ତୋଷ ଓ ତୀବ୍ର ସମାଲୋଚନା ଚାଲିଥିଲା। କିଛି ଦିନ ତଳେ ‘ଆଜ୍ ତକ୍’ ସହିତ କରିଥିବା ସାକ୍ଷାତ୍କାରରେ ମଧ୍ୟ ମନୋଜ ‘ଆଦିପୁରୁ’ପାଇଁ ଲେଖଥିବା ସଂଳାପଗୁଡ଼ିକ ଯଥାର୍ଥ ବୋଲି କହିଥିଲେ।
