(ରାଞ୍ଚି) : ସୋମବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଝାରଖଣ୍ଡ ମନ୍ତ୍ରୀ ଆଲାମଗିରି ଆଲାନଙ୍କ ବ୍ୟକ୍ତିଗତ ସଚିବ ସଞ୍ଜୀବ ଲାଲଙ୍କ ଘର ସମେତ ରାଞ୍ଚିର ଏକାଧିକ ସ୍ଥାନରେ ଚଢ଼ାଉ କରିଛି। ଝାରଖଣ୍ଡରେ ଦୁର୍ନୀତି ଶେଷ ହେଉନାହିଁ। ନିର୍ବାଚନରେ ଏହି ଟଙ୍କା ଖର୍ଚ୍ଚ କରିବାର ଯୋଜନା ରହିଥିବା ବୋଲି ଅନୁମାନ କରାଯାଉଛି। ନିର୍ବାଚନ ଆୟୋଗ ଏହା ଉପରେ ପଦକ୍ଷେପ ନେବା ଉଚିତ।
ସୂଚନାନୁଯାୟୀ , ସଞ୍ଜୀବ ଲାଲଙ୍କ ଗୃହ ସହାୟକଙ୍କ ଘରୁ ବିପୁଳ ପରିମାଣର ଅର୍ଥ (ପାଖାପାଖି ୨୦ରୁ ୩୦ କୋଟି) ଜବତ ହୋଇଛି। ଅନେକ ଟଙ୍କା ଗଣନା ହୋଇନଥିବା ବେଳେ ଗଣନା ଜାରି ରଖିବା ପାଇଁ କ୍ୟାସ ମେସିନ୍ ନିୟୋଜିତ କରାଯାଇଛି। ସଞ୍ଜୀବ ଲାଲଙ୍କ ଗୃହ ସହାୟକଙ୍କ ଘରେ ପାହାଡ଼ ପରି ଟଙ୍କା ଗଦା ହୋଇଥିବା ଭାଇରାଲ୍ ହୋଇଥିବା ଏକ ଭିଡିଓରେ ଦେଖିବାକୁ ମିଳିଛି।
