ହିନ୍ଦୁଙ୍କୁ ଅକ୍ରମଣ ପଛରେ ରହିଛି ହାସିନାଙ୍କ ରାଗ- ଶଙ୍କରାଚାର୍ଯ୍ୟ

ବାଂଲାଦେଶରେ ଆଉ ଜଣେ ହିନ୍ଦୁଙ୍କୁ ହତ୍ୟା କରାଯାଇଛି। ଗତ ୨୪ ଘଣ୍ଟା ମଧ୍ୟରେ ଏହା ଦ୍ୱିତୀୟ ଘଟଣା। ରିପୋର୍ଟ ଅନୁସାରେ ସୋମବାର ରାତି ପ୍ରାୟ ୧୦ଟାରେ ନରସିଙ୍ଗଡି ଜିଲ୍ଲାରେ ମୋନି ଚକ୍ରବର୍ତ୍ତୀଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା। ପରେ ତାଙ୍କର ଆଘାତ ଯୋଗୁଁ ମୃତ୍ୟୁ ହୋଇଥିଲା। ଏହି ହତ୍ୟାକାଣ୍ଡ ହିନ୍ଦୁ ସମ୍ପ୍ରଦାୟର ସଦସ୍ୟମାନଙ୍କୁ ଟାର୍ଗେଟ କରି ହୋଇଥିବା ହିଂସାତ୍ମକ ଘଟଣାର ସର୍ବଶେଷ ଘଟଣା।
ପୂର୍ବରୁ ଜାନୁଆରୀ ୩ ତାରିଖରେ, ୫୦ ବର୍ଷୀୟ ଖୋକନ ଚନ୍ଦ୍ର ଦାସଙ୍କୁ ନିର୍ମମ ଆକ୍ରମଣ, କଟା ଏବଂ ନିଆଁ ଲଗାଇ ଦିଆଯିବା ପରେ ତାଙ୍କର ମୃତ୍ୟୁ ହୋଇଥିଲା। ଡିସେମ୍ବର ୨୪ ତାରିଖରେ, ରାଜବାରୀ ସହରର ପାଂଶା ଉପଜିଲ୍ଲାରେ ଆଉ ଜଣେ ହିନ୍ଦୁ ବ୍ୟକ୍ତି ଅମୃତ ମଣ୍ଡଳଙ୍କୁ ଦାଦାବଟି ଆଦାୟ ଅଭିଯୋଗରେ ପିଟି ହତ୍ୟା କରାଯାଇଥିଲା। ପୂର୍ବରୁ ଡିସେମ୍ବର ୧୮ ତାରିଖରେ, ମୈମନସିଂ ସହରରେ, ୨୫ ବର୍ଷୀୟ ଦୀପୁ ଚନ୍ଦ୍ର ଦାସଙ୍କୁ ଈଶ୍ୱର ନିନ୍ଦା ଅଭିଯୋଗରେ ଏକ ଭିଡ଼ ପିଟି ପିଟି ହତ୍ୟା କରିଥିଲା ଏବଂ ତାଙ୍କ ଶରୀରକୁ ପୋଡ଼ି ଦେଇଥିଲା। ଏକ ପୃଥକ ଘଟଣାରେ, ଡିସେମ୍ବର ୨୩ ତାରିଖରେ ଚିଟାଗଙ୍ଗର ଉପକଣ୍ଠରେ ଥିବା ରାଉଜାନ ଅଞ୍ଚଳରେ ଅଜ୍ଞାତ ବ୍ୟକ୍ତିମାନେ କାତାରରେ କାମ କରୁଥିବା ପ୍ରବାସୀ ଶ୍ରମିକ ଶୁଖ ଶିଲ୍ ଏବଂ ଅନିଲ୍ ଶିଲ୍ଙ୍କ ଘରେ ନିଆଁ ଲଗାଇ ଦେଇଥିଲେ। ତେବେ ଜଣକ ପରେ ଜଣେ ହିନ୍ଦୁଙ୍କୁ ହତ୍ୟା କୁ ନେଇ ଶଙ୍କରାଚାର୍ୟ୍ୟ ଅଭିମୁକ୍ତେଶ୍ୱରାନନ୍ଦ ସରସ୍ବତୀ ଏ ସମ୍ପର୍କରେ ଏକ ପ୍ରମୁଖ ବିବୃତ୍ତି ଦେଇଛନ୍ତି। ସେ ହିନ୍ଦୁମାନଙ୍କ ଉପରେ ହେଉଥିବା ଅତ୍ୟାଚାର ପାଇଁ ଶେଖ ହାସିନାଙ୍କୁ ଦାୟୀ କରିଛନ୍ତି ଏବଂ କହିଛନ୍ତି ଯେ ଭାରତ ଦ୍ୱାରା ଶେଖ ହାସିନାଙ୍କୁ ଆଶ୍ରୟ ଦେବା ସେଠାରେ ପାକିସ୍ତାନୀ ଭଳି ମାନସିକତାକୁ ପ୍ରୋତ୍ସାହିତ କରୁଛି, ଯାହା ଭାରତ ପ୍ରତି ସେମାନଙ୍କର କ୍ରୋଧକୁ ବୃଦ୍ଧି କରୁଛି।
ଅଭିମୁକ୍ତେଶ୍ୱରାନନ୍ଦ ସରସ୍ବତୀ ଆହୁରି କହିଛନ୍ତି ଯେ ପୂର୍ବତନ ବାଂଲାଦେଶୀ ପ୍ରଧାନମନ୍ତ୍ରୀ ଶେଖ ହାସିନାଙ୍କୁ ଆଶ୍ରୟ ଦେବା ବାଂଲାଦେଶରେ ପାକିସ୍ତାନୀ ଭଳି ମାନସିକତାକୁ ପ୍ରୋତ୍ସାହିତ କରୁଛି। ଯଦି ଭାରତ ଶେଖ ହାସିନା ମାମଲାରେ ନିଷ୍ପତ୍ତି ନନିଏ, ତେବେ ବାଂଲାଦେଶ ଆଉ ଏକ ପାକିସ୍ତାନ ହୋଇଯିବ। ଶେଖ ହସିନାଙ୍କୁ କହିବା ଉଚିତ ଯେ ଆମେ ଆପଣଙ୍କୁ ଏତେ ଦିନ ପାଇଁ ସୁରକ୍ଷିତ ରଖିଥିଲୁ, ଏବେ ଆପଣ ଏକ ନିରାପଦ ସ୍ଥାନକୁ ଚାଲିଯିବା ଉଚିତ, ନଚେତ୍‌ ଭାରତ ପ୍ରତି ବାଂଲାଦେଶର ଲୋକଙ୍କ କ୍ରୋଧ ବୃଦ୍ଧି ପାଇବ।